金鐘公廁酒店級體貼
牙膏棉花棒俱全 學生主動清潔

有人喺公廁遺下銀包，有心人加上字條寫住﹕「如非本人，請不要因一時貪念拿取！待失主回來認領！」

政總同立法會旁兩個女廁洗手盆旁擺滿衛生用品，包括棉花棒、hand cream，就連冲洗隱形眼鏡藥水、衛生巾都有。

【明報專訊】公廁見公民質素！Emily有個朋友Katie係私人補習教師，學生罷課同埋佔中開始以來，佢都有去政總關心學生。

Katie噚日喺facebook上載咗幾張相，相片背景係政總同立法會旁兩個女廁，只見洗手盆旁擺滿清潔用品，有洗手液、洗頭水、牙刷、牙膏，亦有蒸餾水畀人潄口，就連冲洗隱形眼鏡用嘅藥水、衛生巾、棉花棒、hand cream都有。

遺銀包 寫字條叫人勿亂取

Emily打電話畀Katie問吓，佢話入到政總同立法會旁嘅女廁，仲以為入咗酒店廁所，有兩個女學生喺廁所抹洗手盆，洗手盆旁擺滿清潔用品，一卷卷廁紙用繩串起來方便人取用。有人喺廁所遺下銀包，有人喺銀包上放咗字條，上面寫住﹕「如非本人，請不要因一時貪念拿取！待失主回來認領！多謝合作！」

Katie仲話，廁格散滿一地用過嘅廁紙，好污糟，兩個女生手上既無鉗子鉗走廁紙，廁所連地拖、廁所刷都無，佢哋手上只戴咗一對勞工手套，兩人雖面有難色唔知點算，但吸了一口大氣之後，就去清理啲污糟嘢。

Miss受啓發 幫手洗廁所

Katie於是決定都盡公民責任，計劃噚晚去政總洗廁所，佢話去之前會買齊鉗、地拖、廁所刷、清潔劑等清潔用品，唔會徒手洗廁所。Emily覺得班學生好amazing，港人嘅公民質素亦盡見於公廁內。

更多港聞

黃之鋒登紐約時報專題

【明報專訊】佔中運動規模龐大，國際傳媒近日都好多篇幅報道，運動嘅主要人物亦成為訪問對象，好似噚日《紐約時報》就以專題形式介紹學民思潮召集人黃... 詳情

葉劉導師短片撐港人抗爭

【明報專訊】佔領運動引起海外關注，行政會議成員葉劉淑儀嘅論文導師、史丹福大學政治學權威學者Larry Diamond前日錄咗段短片「Mess... 詳情

中大醫學院長凌晨收學生求助

【明報專訊】中大醫學院院長陳家亮（Francis，圖）噚日向醫學院全體師生校友寫咗封公開信，提到呢幾日香港發生嘅事，令佢「感到十分矛盾和苦澀... 詳情

馬路晨操

【明報專訊】以往熙來攘往嘅旺角亞皆老街成為佔領場地，噚日大清早就有市民當馬路係公園，喺度做晨操耍幾招。 （衛永康攝） 詳情

自製「豬嘴」

【明報專訊】佔中現場創意無限，踏入第五日，黃昏時段大批市民堵塞特首辦，有人擔心催淚彈再現，用膠樽加口罩製作咗一個「豬嘴」口罩，至於呢個DIY... 詳情