羅賓威廉斯係沈祖堯恩師
[2014.08.18] 發表
【明報專訊】美國笑匠羅賓威廉斯(Robin Williams)日前自殺身亡,原來佢喺電影《暴雨驕陽》中飾演既基廷老師,令中大校長沈祖堯改變咗價值觀。沈祖堯噚日寫網誌話,基廷老師講過,醫學、法律等係崇高行業,支撐生活必需,但詩歌、藝術等先至帶畀大家活着嘅意義,呢句話令佢明白教育唔止傳授知識,亦唔應該引導學生追求高薪厚職,而要教佢哋熱愛生命同人類。
沈祖堯話自己2003年前一直教知識,好少教佢哋做個尊重生命、痛病人所痛、明知個病難醫都盡心照顧病人嘅好醫生,但睇完《暴》片後,決定花更多時間教學,親身示範點向病人表達關心,仲話睇咗《暴》片不下10次。亦因為基廷老師嘅說話,佢開始做曾經認為唔值得嘅事,好似聽病人心聲、與學生同行、為理想唔轉做私人執業,同埋拒絕外國嘅高薪厚職,至今毫不後悔。
更多港聞
【明報專訊】參加政治運動嘅後生仔愈嚟愈多,一路主要講經濟嘅財爺曾俊華,噚日喺網誌就講吓咩叫做「青春無悔」。佢話有啲大學同學讀書時熱中參加學運...
詳情
相關新聞