任建峰舊片段網上大熱
「道德力量係熄滅唔到嘅」

任建峰6月出席佔中《逆權大狀》電影分享會（圖﹚，預告「倒林」動議將會「輸得好核突」，點知兩個月後律師會以六成得票通過動議，用番佢喺6月時電影分享會上嘅講話，「道德力量係熄滅唔到嘅﹗」（facebook圖片）

【明報專訊】律師會前晚戲劇性地以大比數通過向會長林新強提出不信任動議，發起不信任動議嘅任建峰(Kevin)前晚接受傳媒訪問時，多謝一眾律師行家企硬出嚟支持動議，仲一度哽咽。Emily同唔少行家都讚Kevin前晚喺短時間內寫得出咁激昂嘅講稿，犀利過好多議員。Kevin同Emily講，其實原來佢一早寫好3篇講辭，一篇喺預咗「輸得好核突」、一篇預「輸少少」，最後先寫定篇贏嘅講稿，純粹當作後備！

為不信任動議寫定3講稿 2輸一贏

律師會「倒林」行動令Kevin人氣急升，噚日facebook亦瀰漫香港「重光」嘅氣氛，而Kevin喺6月出席和平佔中《逆權大狀》 獨家優先場影後分享感言嘅短片，畀人瘋狂轉載，一句「政治力量不及道德力量，道德力量係熄滅唔到嘅」，更加激奮人心。至於Kevin經此一役會否「更上一層樓」，例如競選律師會理事？Kevin就話無咁嘅打算，事關律師會理事要政治中立，而佢政見鮮明，要有逍遙自由身，所以理事會嘅職位唔啱佢。

更多港聞

「河」都識「飛」？反佔中大聯盟：海報無寫錯

【明報專訊】保普聯反佔中大聯盟聽日搞遊行，佢哋不缺錢，噚日就喺多份報章刊登全版廣告，廣告用咗維園同埋中環嘅相片，中間位置寫住「水靜河飛」四個... 詳情

36萬人入場睇宮崎駿手稿

【明報專訊】宮崎駿手稿展今個月31號（星期日）閉幕，展覽展出超過1300張吉卜力工作室動畫場面設計手稿同動畫片段，由5月14號喺沙田文化博物... 詳情

羅致光「被提醒」 唔好隨便叫人「袋住先」

【明報專訊】溫和建制派人士近期同溫和泛民走埋一齊搞「尋求共識實現普選」聯署，事後有傳建制派被人「照肺」。不過，Emily收到風，原來參與聯署... 詳情