西九公園 有大草地可搞騷

西九公園設計圖噚日曝光，將大型草坪描繪成一個優美嘅景象，話未來可以舉辦大型戶外表演及音樂會。（西九管理局提供）

【明報專訊】西九管理局早前就佔地23公頃嘅西九公園徵詢市民意見，公園嘅概念設計曝光，由「劉榮廣伍振民建築師事務所」團隊負責設計，整個公園除咗有小型藝術展館、黑盒劇場、戶外舞台等藝術設施外，亦會設有「文化大道」、「海濱長廊」及「大型草坪」等公眾空間。

文化大道兩旁種樹林

設計團隊話，希望喺公園透過引入林蔭同配合不同地形嘅特色，營造出輕鬆悠閒嘅遼闊草地空間。Emily睇住設計團隊提供嘅概念圖，當中負責串連公園內藝術設施嘅文化大道，兩旁會種植茂密樹林及灌木林；至於市民最嚮往嘅大型草坪，將容許舉辦戶外節目、古典或流行音樂會，甚至其他類型表演，可以容納到1萬名以上觀眾站立，圖畫展示市民亦可以自由使用草地。至於公園南部鄰近海濱地帶，亦計劃興建一個可以靈活運用嘅活動場地，容納5000人站立。

設計團隊話，希望西九公園可以為市民提供寧謐嘅空間，成為市中心「全新綠化地帶」，人人樂在其中。

更多港聞

十大議員 譚耀宗得分20年新低

【明報專訊】港大民調噚日公布十大議員評分，排第一位嘅繼續係立法會主席曾鈺成，得分59.5（滿分100），其次就係新民黨主席葉劉淑儀，得分52... 詳情

澳門睇滾石 楊甦棣路過應約泛民

【明報專訊】一名自稱「壹傳媒股民」日前將大量涉壹傳媒主席黎智英嘅敏感資料畀咗多間傳媒。Emily留意到，當中有文件顯示，今年3月19號，行會... 詳情

盛品儒轉行做燒雞CEO

【明報專訊】亞視前執行董事盛品儒（James）上年9月因通訊局裁定亞視投資者王征干預電視台運作而要求離職，之後佢話會休息一排；事過境遷，噚日... 詳情

「公平樽裝茶」 聘葵芳婦女泡茶

【明報專訊】現時市面有啲零售店會賣標榜公平貿易嘅產品，香港公平貿易聯盟執行秘書葉子盈就話，本港嘅公平貿易認證（FLO）產品銷售額持續上升，由... 詳情