唐唐籲畀空間梁家
[2014.07.21] 發表
【明報專訊】金管局前總裁任志剛出新書《居安思危》，作為老友嘅前政務司長唐英年噚日都有去撐場，唐唐無做官之後出席活動都好風騷，噚日爭住排頭位，做第一個獲任總喺新書上簽名嘅人，又對記者有問必答，仲贏得出席分享會嘅市民大力拍手支持。唔少人早排都談論特首梁振英太太唐青儀有關教兒女嘅言論，唔知唐唐又有咩教女心得？
唐唐話，經歷過選舉令一家人更團結，呼籲大家都畀多啲空間特首呢個「第一家庭」，又話自己選輸咗，反而多咗時間同仔女溝通，佢覺得年輕人其實面對好多挑戰，做父母嘅應該互相理解、溝通。
唐唐有3女1子，佢透露早前其中一個女畢業，一家人都去咗法國、意大利玩咗一個幾星期，至於暑假仲會去邊度玩，佢話未決定。
更多港聞
相關新聞
