民記劉國勳叫克儉下台

民建聯北區區議員劉國勳（右三）收到家長投訴，話仔女派位後要跨區讀書，噚日偕譚耀宗（右四）、陳克勤（右二）及另一北區區議員姚銘（右一），同吳克儉（左）傾吓有無解決辦法，點知得個「桔」，搞到劉議員上載咗張相去facebook，留言「對牛彈琴」。（網上圖片）

【明報專訊】民建聯北區區議員劉國勳噚日喺facebook，上載咗一張同教育局長吳克儉會面嘅相，並寫咗「對牛彈琴」四個字，之後仲話「吳克儉局長也太無能了，我覺得他應該下台」等等。原來劉國勳之前收到30幾個本地家長投訴，話仔女喺新學年要由粉嶺跨境去打鼓嶺禁區返學，於是佢同吳局長傾吓有咩解決辦法，點知傾完得個「桔」，搞到劉議員好勞氣。

傾解決跨區讀書得個桔

Emily睇過劉議員同局長會面張相，在場仲有民建聯主席譚耀宗、立法會議員陳克勤，同埋另一個北區區議員姚銘，佢哋同劉國勳去政府總部向吳克儉獻計，例如建議喺粉嶺區幾間小學每班加收2、3個學生解決。不過，姚銘話吳克儉講明「政策上解決唔到」，傾咗大半個鐘都無方案。劉國勳仲同Emily講，話「欣賞CY(特首梁振英)政府唔畏懼……可惜吳克儉就係嗰啲畏懼、唔做嘢、唔係一個負責任嘅官員」。

兩個區議員好勞氣，但陳克勤就話叫局長落台只係劉議員個人立場，重申呢個唔代表民建聯整個團隊嘅立場。

更多港聞

郭晶晶撐母乳媽媽

【明報專訊】香港聯合國兒童基金會大使郭晶晶噚日率領主張母乳餵哺嘅「愛嬰行動」成員，向食物及衛生局長高永文遞交3000人聯署聲明，促請政府落實... 詳情

話同泛民無偈傾 樹根叫林鄭諗計

【明報專訊】政務司長林鄭月娥噚日出席立法會內委會特別會議，講政改諮詢報告，兩個鐘嘅會議上，政府盟友民建聯最多機會發問，12個議員（唔計立法會... 詳情

紅陶船陪葬品 歷史館展出

【明報專訊】康文署同廣西當局合作搞「甌駱漢風：廣西古代陶製明器」展覽，入邊嘅陶製明器，包括陶屋等由西漢至南朝嘅陪葬品，大部分由廣西運嚟。廣西... 詳情

記者想問政改 曾德成唔答

【明報專訊】噚日係政府公布政改諮詢報告嘅大日子，當政界正討論得火熱時，Emily就跟咗民政事務局長曾德成（中）同中聯辦副主任楊健（左）去歷史... 詳情

內地生赴港讀大學減

【明報專訊】《人民日報》海外版昨報道，今年申請入讀本港大學的內地生大減，有狀元更放棄中大頒發的66萬港元獎學金。報道又引述內地狀元稱，是因為... 詳情