【明報專訊】名嘴李慧玲因為商台無畀理由下炒佢，噚日開記者會回應，Emily等一眾行家都睇直播，但估唔到新聞統籌專員(IC，Information Coordinator)馮煒光即時點評此事，喺Emily同事嘅facebook留言，話李慧玲嘅記者會「其實冇物(乜)料」。難得馮煒光拋個身出嚟喺網上交流，行家點會放過，紛紛留言追問，包括問佢有冇聽過特首梁振英(CY)講「最憎李慧玲」，馮煒光答話「直話直說，從來冇聽過」。 馮：個人言論 特首辦有正式回覆 Emily見馮專員喺辦公時間於facebook留言，以為係特首辦搞埋網上即時回應。佢回電解釋，一切只屬佢「個人言論」，只係佢認識Emily同事，佢唔係隨便喺人哋嘅facebook留言，重申「特首辦會有正式回覆」。 「大家唔好人格謀殺」 至於點解咁肯定CY無講過「最憎李慧玲」，馮煒光話﹕「我覺得我又唔係講大話，我講我睇到嘅嘢只此而已，而我入咗去兩個月，真係無聽過佢(CY)講過(最憎李慧玲)，我唔想剛才喺網上講，大家唔好人格謀殺佢啦，你可以唔鍾意一個政治人物，但佢無講過。」 另外，馮煒光知道有傳媒查詢佢喺facebook留言一事，不忘關心佢特首辦嘅同事，話同事收工前先收到傳媒查詢，「唔好搞到同事」，「我哋作息時間同你哋唔同，我無所謂」，所以自己打番畀Emily回應。
|
| |
| |
;){kind=small}
;){kind=small}
;){kind=small}
