【明報專訊】前政務司長陳方安生噚日74歲生日，佢去中大演講，回憶39年公僕生涯。陳太話，印象最深刻係1986年「郭亞女事件」，當年陳太係社會福利署長，事件中，一名患精神病母親涉嫌�鷏狗F公屋禁錮女兒，陳太最終決定破門入屋，事後被人批評「濫權」。陳太話，當年社會傳媒對佢「非常唔公道」，好彩時任港督尤德認同佢採取�鵀瘞吽A亦全力支持。自此之後，佢學懂任何事要「逆來順受」，但逆境中亦要「奮發自強」，堅持信念咁話。

搞開放電訊市場 幾乎對下屬喊

陳太演講主題係「永遠的公僕」，被問有無後悔加入政府，陳太話「從無後悔」。至於另一件好有挑戰�翵ヾA陳太話係開放電訊市場，當時整個市場由英資公司壟斷，佢仲記得幾次去行政局都畀港督彈番轉頭。去到第三四次，甚至「對住下屬，幾乎要喊」，幸而最後做得成。

至於2001年佢向時任特首董建華辭職，陳太話，辭職前曾用一年時間，希望說服董生唔好推行「高官問責制」。佢透露，當時董生�儭ㄓ勾控o公務員「唔聽話」，更有人向董生講前朝官員係港英餘孽，董生最終決定推行高官問責制，陳太思前想後，覺得問責制徹底壞透，無可能推銷，所以最終辭職。

被問到生日願望，陳太話希望2017年真正有普選，能有機會用手中一票選出特首。佢又寄語公僕，要「持信念，展胸懷，堅毅沉實，永不放棄」。