【Emily】內地首設「港澳青少年愛國主義教育基地」
[2025.08.22] 發表
【明報專訊】香港、澳門特區政府喺中央政府支持下，噚日於北京中國人民抗日戰爭紀念館設立內地首個「港澳青少年愛國主義教育基地」，旨在促進港澳青年師生通過實地感受、學習、了解國情，培養對國家和國民身分嘅認同，激發愛國情懷。
陳國基盼全國開拓更多相關資源
今年係中國抗戰勝利80周年，而中國人民抗日戰爭紀念館喺北京盧溝橋旁。出席儀式嘅政務司長陳國基形容呢個安排別具意義。噚日有一批港澳青年喺北京參加設立儀式，並參觀紀念館嘅抗戰主題展覽。當中陳姓青年話，活動令佢認識到同胞歷經苦難先贏得抗戰勝利，內心感到愈發沉重。另一林姓港青亦話：「歷史可以讓我們國家的民族更團結。而且這一段歷史也可以讓我們後輩更珍惜現在的生活。」
陳國基致辭時話，教育基地設立係香港推動愛國主義教育嘅重要里程碑，期待未來喺全國拓展更多愛國教育資源，畀更多港澳青年通過實地研學與民心交融，全面理解國家歷史與發展成就。國務院港澳辦分管日常工作嘅副主任徐啟方、北京市常務副市長夏林茂等出席活動。港澳辦指出，設教育基地係香港、澳門特區政府貫徹落實習近平主席重要指示，進一步深化港澳青少年愛國主義教育嘅具體舉措。
更多港聞
【Emily】嶺大收5精英運動員 各資助最多40萬
【明報專訊】唔少精英運動員喺賽場上拼搏一段時間後，都想喺大學繼續進修。嶺大噚日公布，今年會透過「學生運動員學習支援及入學計劃」錄取5名精英運... 詳情
【Emily】經荃錦公路 51號線再出動雙層巴
【明報專訊】平日要去大帽山，唔少人會選擇喺荃灣搭51號九巴，經荃錦公路到達大帽山郊野公園。但唔知大家有冇發現，所有51號九巴都係單層巴士呢？... 詳情
【Emily】港鐵德福展 舊街坊顏汶羽帶父母搵回憶
【明報專訊】港鐵今日起喺德福廣場搞展覽，回顧呢項首個「鐵路加物業」嘅發展項目歷史。立法會議員顏汶羽噚日話佢嘅嫲嫲係德福花園首批業主，自己細細... 詳情相關新聞
