【Emily】消費新聞獎 攝影組五強等你投票
[2025.08.09] 發表
【明報專訊】消委會每年舉行「消費權益新聞報道獎」，其中「新聞攝影獎」及「大專院校新聞獎」兩個組別嘅得獎作品由公眾參與選出，投票期由噚日開始至今個月29日，為期3星期。大會已選出最後五強作品，公眾投票結果將結合評審評分，決定兩個組別各自嘅金、銀、銅及優異獎得主。
今次進入五強嘅作品涵蓋舊年多個新聞熱話，入圍新聞攝影獎嘅題材包括球王美斯喺大球場缺陣引球迷要求「回水」、大型美資倉儲式會員制超市Costco「登陸」深圳、房屋問題等，《明報》有3項作品入圍。另外大專院校新聞獎就有來自中大《大學線》、浸大《新報人》同埋恒大嘅作品，題材包括樂齡科技、內地與香港癌症藥物價格差異、內地中介用假學歷助申請人入讀本地大學等。
更多港聞
相關新聞
