【Emily】曾俊華批特朗普搞end game 引胡佛關稅法案 諷累全球倒退幾十年
[2025.04.07] 發表
【明報專訊】美國總統特朗普發動關稅戰，公務員年代代表港府參與貿易談判嘅前財政司長曾俊華都加入批評，話最弊嘅係特朗普自己都唔知搞呢場貿易戰嘅大結局「end game」係乜，形容呢個舉動無非係想做啲佢一向擅長「蝦蝦霸霸」嘅嘢，想全世界向佢叩頭，然後再談判攞着數，「自覺威威，盡顯霸主嘅本色」。曾俊華話，美國唔再跟世貿或者其他國際組織嘅規條，打碎過去幾十年建立嘅全球自由貿易同政治秩序，認為除咗令全球經濟動盪，地緣政治及戰爭風險或會愈嚟愈高。
曾俊華話喺1992至95年出任助理貿易署長，負責同外國傾雙邊貿易關係，亦要負責做當時嘅GATT(關稅及貿易總協定)關稅談判代表。佢並公布舊照，見到相中人有當年嘅署長、前特首曾蔭權。當年唔少資深AO都做過貿易署或工業貿易署，包括曾任廉政專員嘅黎年、前財庫局常任秘書長何鑄明等。
曬任職貿易署舊相 憶做談判代表
曾俊華就話，有人提到上世紀30年代，當時美國總統胡佛簽署頒布嘅Smoot-Hawley Tariff Act，將幾千種進口商品關稅提高，其間出現全球經濟大蕭條，仲指有人認為呢個係導致二戰發生嘅因素之一。曾俊華形容特朗普今次咁玩係一次政治豪賭，即使最後冇引起世界大戰，都會搞到世界大亂，質疑邊個會得益。
更多港聞
【Emily】人才帶埋家人賣旗 「感覺融入大家庭」
【明報專訊】「唔該幫手買支旗。」賣旗係香港常見籌款活動，人才辦舊年推出計劃鼓勵人才做義工認識社區，前日嘅聖雅各福群會賣旗日就有唔少人才帶埋家... 詳情
【Emily】連接車站新樓梯 料學年尾啟用 男拔附小校友田北辰盼先用為快
【明報專訊】直資名校拔萃男書院附屬小學毗鄰旺角東站，但無通道直接聯繫，學生要繞大圈返學。Emily之前講過校方同政府各部門商討咗十幾年，終於... 詳情
【Emily】經貿辦電影節推廣港產片 衛詩雅芝加哥膺傑出演員
【明報專訊】香港駐外經貿辦近年力推香港電影同文化交流。香港駐紐約經貿辦喺芝加哥亞洲躍動電影節期間，贊助9部香港電影同紀錄片喺芝加哥放映，包括... 詳情
相關新聞
