【Emily】金耀基九十大壽 中大人贈金牌
[2025.02.22] 發表
【明報專訊】中大前校長金耀基教授(中)早前慶祝九十大壽，中大現任校長盧煜明(左)、醫學院院長趙偉仁、幾個書院前任及現任院長如關美寶、梁耀堅、陳新安一齊同佢賀壽，仲送咗面金牌畀佢。本身係新亞書院校友嘅財政司長陳茂波(右)雖然呢排忙緊預算案，都特別抽空同金教授賀壽，齊齊豎起手指公合照。
促成呢場壽宴嘅逸夫書院資深顧問林健忠話金教授狀態好好，在場各人祝佢生日快樂，佢就祝番大家身體健康，長命百歲。睇番資料，1970年開始喺中大教書嘅金教授原來係情人節(2月14日)生日。
更多港聞
【明報專訊】香港總商會噚日舉行第六屆「商業案例競賽」決賽，由15支大專隊伍角逐獎項，其中5隊來自港大、中大同科大嘅參加者脫穎而出，拎到組別冠...
詳情
相關新聞
