【Emily】餃子燉蛋送暖 醫患共度冬至

[2024.12.21] 發表

【明報專訊】每年冬至，家家戶戶都會團聚「做冬」，一齊享用美食。不過唔少病人都未能如願回家，醫管局各醫院聯網就為一班病人安排富有節日特色嘅美點，等醫護同病人即使留喺醫院，都能夠團團圓圓。

明愛醫院膳食部員工今年就用自家食譜親手製作約800隻上湯菜肉餃，為合適食用嘅住院病人送上心意。最近天氣轉冷，餃子配上熱騰騰嘅雞湯，為寒冬添上及時嘅暖意。

九龍醫院膳食部就為可以正常飲食嘅住院病人準備特色菜腐皮卷。至於有咀嚼或吞嚥困難、需要食軟餐嘅病人，就可以享用金時豆腐甜燉蛋，燉蛋上面仲有一抹紅豆蓉。醫管局祝願所有病人冬至快樂，身體健康。

更多港聞

【明報專訊】立法會秘書處噚日推出定期刊物《專題快訊》，以點列、數據、圖表等方式闡述主要政策措施同社會熱門議題，最新推出嘅兩個議題分別係「保護... 詳情

【明報專訊】九龍華仁書院噚晚舉行100周年晚宴，身為舊生嘅特首李家超雖然無出席，但都錄咗影片祝賀。李家超喺影片提到，喺九華讀書嘅歲月，令佢成... 詳情