【Emily】六合彩5冧把同上期 大量中獎分薄彩金 二獎派3.84萬 三獎唔夠兩萬
[2024.09.20] 發表
【明報專訊】六合彩噚晚攪珠結果同派彩引起熱話，呢期攪出5、18、21、24、44、47及特別號碼20號，7個號碼裏面有5個同上期中秋金多寶一模一樣，重複嘅係5、18、21、24及44號，而咁啱得啱橋，呢期有大量人中獎，獎金都分薄埋，二獎只派得3.84萬元！
三獎489注中 七獎5.3萬注
呢期頭獎一注中派彩800萬元，二獎1.5注中派彩3.84萬元，三獎就有489注中，每注亦只派彩1.92萬元；七獎更多達53,730注中，派彩40元。
據了解，呢期六合彩雖然有近500注中三獎，但馬會唔使「倒貼」，即係唔使喺多寶儲備撥款支付派彩。
有熟悉六合彩運作嘅馬會老友同Emily講，連續兩期攪出5個相同號碼，可謂有人歡笑有人愁，對於買中5個號碼(三獎)嘅幸運兒嚟講，可能仲可以話皆大歡喜，但二獎得主就真係只能苦笑，因為派得最低金額3.84萬元，而平時好彩嘅話，二獎派彩都會有幾十萬，甚至過百萬元。
更多港聞
【Emily】稱勸狗主清便溺不果 花店警告毒狗被鬧爆
【明報專訊】網上流傳上環一間花店喺店外貼出「公告」，話有狗主任由狗狗隨處大小二便後無清理兼態度惡劣，「我們將會在此處擺放毒物，請你的狗隻遠離... 詳情
【Emily】國慶巴士巡遊 長牛大食鬼「復出」
【明報專訊】為慶祝國慶，運輸署聯同3間巴士公司下月19日會舉行巴士巡遊，仲有一連4日嘅展覽。巡遊當日早上10點幾開始，九巴嘅丹拿E型（俗稱「... 詳情
【Emily】家國情微型展今開放 張家朗「亮相」
【明報專訊】大灣區共同家園青年公益基金搞咗個「家國情微型藝術展」，會有42件手工作品，題材亦幾貼時事，包括有巴黎奧運獎牌運動員張家朗、江旻憓... 詳情
別64年9課室校舍 全完一小遷大校 課室增生源減 校長：創校百年多風浪信不倒
【明報專訊】創校逾一個世紀，中華基督教會全完第一小學前身是女子識字班和女校，1960年落戶荃灣大屋街，千禧年代見證校旁「荃灣七街重建項目」啟... 詳情相關新聞
