【Emily】陳國基勉明Teen團 學江旻憓「香港精神」 譚志源貼杭州參觀相 江成「集郵對象」

做咗馬會對外事務助理經理嘅「劍后」江旻憓（前左）前日隨「共創明Teen計劃」學習團到杭州考察，噚日喺第二日行程，去咗申昊科技參觀機械人，江旻憓面帶笑容咁同機械人互動。（譚志源fb）

政務司長陳國基（中）噚日北上杭州，參加「共創明Teen計劃」學習團嘅歡迎晚宴，仲同江旻憓（左）、譚志源（右）對談，向學員分享點樣面對逆境。（陳國基fb）

【明報專訊】巴黎奧運女子重劍金牌得主江旻憓前日履新為馬會對外事務助理經理，同佢上司、公司事務執行總監譚志源隨「共創明Teen計劃」學習團到杭州考察。政務司長陳國基噚日亦北上杭州參與學習團活動，佢喺歡迎晚宴致辭時特別提到江旻憓喺奧運決賽比分一度落後1：7，但慢慢追回，最後「決一劍」反勝對手，鼓勵在場學員學習佢勇於拼搏、永不放棄嘅「香港精神」。

陳國基致辭時感謝馬會支持「共創明Teen計劃」，又提到江旻憓今屆奧運為港奪金，對佢喺賽後訪問話「唔想無打出香港精神就放棄」呢句話印象深刻。佢形容在場學員十分幸運，除來到美麗嘅杭州參觀，更有江旻憓陪伴，一眾學員一定可以喺江身上得到啟發。

陳又話江旻憓同其他香港運動員一樣勇於拼搏、永不放棄，值得在場學員學習，寄語佢哋珍惜「共創明Teen計劃」嘅學習機會，努力朝自己嘅目標進發。

譚志源噚日亦喺facebook發帖，貼出佢同江旻憓及一眾學員喺杭州參觀嘅相片，江成為集郵對象，而團友就去咗申昊科技同吉利汽車參觀，相中可見江參觀時非常專注，仲面露笑容同機械人互動。

更多港聞

【Emily】認同台港獎牌計入中國 馬逢國：大中華角度出發

【明報專訊】巴黎奧運噚日閉幕，獎牌榜同獲40金嘅美中兩國競爭激烈，雖然金牌數量並列第一，但美國銀牌就多過中國，最後登上榜首。不過，有網民自製... 詳情

【Emily】70歲生日 CY話報效祖國續拼搏

【明報專訊】全國政協副主席、前特首梁振英（CY）噚日70歲生日，佢喺facebook話近年有八成時間身處內地與國外，集中做公益工作，但人到七... 詳情

【Emily】社恐蛻變 首女廚為港出戰世界技能大賽

【明報專訊】由世界技能組織主辦嘅「世界技能大賽」下月10日喺法國里昂開鑼，香港選手黃湘將出戰「西式烹調」項目，係第一個女廚師代表香港出戰。 ... 詳情

【Emily】再推自薦 民青局：諮詢架構青年增至16%

【明報專訊】第七期「青年委員自薦計劃」即日起接受申請，以吸納青年加入政府諮詢架構。今次參與計劃嘅委員會共23個，包括海濱事務委員會、創新科技... 詳情

【Emily】廉署實習生扮《無間道》 「真係好辛苦，我頂唔順」

【明報專訊】9個分別來自本港、內地同海外嘅大學生，上月頭開始喺廉署展開6星期實習，廉署facebook專頁噚日上載短片分享佢哋實習嘅點滴。廉... 詳情