【Emily】獲金紫荊憶考評局工作 容永祺：疫時辦DSE富挑戰
[2024.07.02] 發表
【明報專訊】政府噚日公布502人受勳名單，好多政商界人士有份，其中獲頒金紫荊星章嘅考評局主席容永祺就話，感謝政府對佢工作嘅肯定，佢接受商台訪問時仲自豪咁話，喺新冠疫情期間，考評局工作充滿挑戰，但話因為考評局做得好，香港成為當時全球極少數能辦公開試嘅地方，仲話其間無一個學生染疫，亦安排確診同要檢疫嘅學生去竹篙灣社區隔離設施考試，工作極富挑戰。
今次獲大紫荊勳章嘅5人分別係建制派「班長」立法會議員廖長江、全國港澳研究會顧問劉兆佳、港大榮休教授兼饒宗頤學術館長李焯芬、恒基地產主席兼董事總經理李家傑、香港福建社團聯會榮譽主席林樹哲。李家傑話十分感謝政府，非常榮幸為國家及香港服務，亦感謝社會各界、家人同集團所有人嘅支持，將繼續與各界同心協力，全力支持國家及香港實現更美好發展、共建更美好家園。
獲頒金紫荊星章嘅立法會議員梁美芬就認為，今次係政府認同佢喺推動研究內地法制同《基本法》嘅工作，對此感到高興。
獲銅紫荊星章嘅全國人大代表陳曉峰就話， 懷住謙卑之心，感謝政府對佢多年工作嘅肯定，佢話自己一直推動國際經貿往來、法治教育、創科生態、栽培年輕人等，未來一定會繼續努力。
更多港聞
【Emily】日內瓦經貿辦慶回歸酒會 美澳代表到場
【明報專訊】政府近年同某啲西方國家喺某啲議題上睇法唔同，不過經貿上仲有得傾。香港駐日內瓦經貿辦上禮拜三（6月26日）舉辦酒會慶回歸，政府話有... 詳情
再3高中選修科將優化 包括地理中國文學音樂 校長料科科減磅
【明報專訊】中學文憑試（DSE）多個高中選修科準備改革。繼教育局近月公布中國歷史、經濟和倫理與宗教的課程或評核細節將改動，局方在立法會文件透... 詳情
愛打機 全級考三甲 傑出小學生：證打機不是不對
【明報專訊】首屆「香港特別行政區傑出小學生選舉」頒獎典禮昨日舉行，10人成為「傑出小學生」及15人是「優秀小學生」。得獎者李鎮江表示，閒時喜... 詳情相關新聞
