【Emily】西瓜節推介細瓜 周五開鑼
[2024.06.19] 發表
【明報專訊】一年一度嘅「本地有機西瓜節」周五(21日)起一連4日朝10晚6喺青衣城一期舉行，漁護署今年再推介上年4個品種嘅有機西瓜，各款嘅甜度大約係10至12度，而一般本地有機西瓜嘅甜度就介乎8至12度。喺會場選購西瓜嘅市民可獲精美環保袋，送完即止，現場仲設有攤位遊戲同工作坊𠻹！
4款推介西瓜分別係「皇玉」、「無籽3F-2728」、「超甜黑美人168」同「黛安娜」，其中漁護署上年先推介嘅「皇玉」呈小球形，果皮綠色帶深色條紋，清甜爽脆，甜度約10度；甜度相同嘅「無籽3F-2728」亦呈小球形，果皮綠色帶深色條紋，果肉呈紅色多汁；呈橢圓形嘅「黛安娜」果皮鮮黃帶斑條，甜度約11度；「超甜黑美人168」甜度約12度。
漁護署農業主任(園藝)王敏維話，近幾年推介嘅本地有機西瓜偏細，重約1至2公斤，同一般喺超市出售、6至7公斤重嘅大型西瓜唔同，較適合本地小家庭選購。
市民除可以喺會場選購，呢個月下旬起亦可以去其餘8個農墟選購本地有機西瓜同其他時令蔬果，仲可透過「本地魚菜直送」網頁及手機應用程式向蔬菜統營處訂購。
更多港聞
【Emily】23條立法專責組 獲頒「行政長官表揚榜」
【明報專訊】特首李家超噚日公布第二年嘅「行政長官表揚榜」得主，係負責《基本法》第23條立法工作嘅專責小組。李家超噚日朝早出席行政會議前見記者... 詳情
【Emily】馬會捐錢開8社區藥房 料助11萬人
【明報專訊】香港賽馬會慈善信託基金捐咗超過4.15億元，推行為期5年嘅「賽馬會藥健同心藥物支援網絡」，喺多區設立社區藥房。計劃目的係擴大社區... 詳情
【Emily】民建聯邀駐港領事睇文物展 唔見英美
【明報專訊】香港歷史博物館正舉辦「天地之中——河南夏商周三代文明展」專題展覽，民建聯噚日搞咗特設專場，邀請超過30個駐港領事及外國商會代表一... 詳情
【明報專訊】上個禮拜三（12日）同港產「獨角獸」科企思謀集團簽署戰略合作協議嘅香港投資管理有限公司，近日又傳出好消息，港投公司下個禮拜一（2...
詳情
相關新聞
