【Emily】漁署今明搞領養日 有貓兔爬蟲
[2024.06.08] 發表
【明報專訊】近年唔少動物組織鼓勵有意養寵物嘅市民選擇領養而唔係買，漁護署今明兩日聯同香港兩棲及爬蟲協會、香港兔友協會、愛護動物協會同保護動物慈善協會，喺啟德AIRSIDE舉辦寵物領養日。
參加者到時可親身接觸待領養嘅兔子和爬蟲類寵物，不過待領養嘅貓就只可以睇相或影片，另外設有動物福利機構分享環節、VR遊戲體驗、即影即有拍照專區等。但為免影響場內動物，市民唔可以帶狗入場。
翻查資料，政府統計處最近一次有關飼養寵物嘅統計喺2019年公布，集中統計貓狗，其中有近35%養狗嘅市民喺寵物店買入，其次有32%由親友贈送；至於養貓嘅市民就有超過33%由親友贈送，其次近兩成喺寵物店購買。
更多港聞
相關新聞
