【Emily】劏房兒童畫展 看看小住客的自白

簡小朋友嘅畫作題為《一個超級超級鍾意的家同一個唔鍾意的家》，畫咗佢𠵱家屋企（上右）同理想家居（上左），話現時同哥哥瞓碌架牀，希望有屬於自己嘅牀、自己一個瞓。（鄧家烜攝）

非牟利機構「社築同夢社區發展服務」由上周五至噚日喺時代廣場舉辦「兒居不宜居──深水埗劏房兒童畫展」。住戶王一彭（左）同簡國駿（右）嘅畫作亦有展出。（鄧家烜攝）

初中生簡國駿嘅畫作題為《在廁所的家》，繪畫一個男仔坐喺馬桶上拎住電腦嘅情景。佢話只能夠喺廁所做功課同睇手機，亦唔能夠邀請同學嚟屋企玩，形容屋企好似「狗窩」。（鄧家烜攝）

【明報專訊】繼去年喺西九龍中心首次舉辦劏房兒童畫展，非牟利機構「社築同夢社區發展服務」由上周五至噚日，喺銅鑼灣時代廣場舉辦「兒居不宜居──深水埗劏房兒童畫展」，盼藉此加強社會對劏房兒童權益嘅關注。

喺廁所做功課 形容屋似「狗窩」

活動展出50幅由深水埗劏房兒童創作嘅畫作。初中生簡國駿嘅作品描述佢喺廁所做功課，話唔能夠邀請同學嚟屋企玩，形容屋企就好似「狗窩」。另一名簡小朋友畫咗佢目前嘅住所同理想家居，話現時同哥哥瞓碌架牀，希望可以自己一個瞓。

畫展項目統籌林先生引述社會服務聯會喺2021年嘅研究，話劏房家庭人均面積只有3平方米，認為狹窄嘅物理空間限制劏房兒童嘅心理發展空間，所以佢哋值得受到關注。另外，展覽設有留言板，畀參觀者為劏房兒童打氣。

更多港聞

【Emily】水署遏藻類保水質 30萬條魚苗投水塘食食食

【明報專訊】香港有17個水塘，總容量5.86億立方米。為保持水質，水務署原來會喺有過多藻類生長嘅水塘，投放約30萬條鯿魚、大頭魚同鯪魚魚苗，... 詳情

【Emily】橫濱香港杯龍舟賽 龍舟總會奪標

【明報專訊】下周一端午節，噚日香港各處已聽到舟鼓聲，唔止香港有龍舟賽，日本都有競賽活動。日本橫濱龍舟競賽始於1994年，今年吸引約130支隊... 詳情

【Emily】林鄭「快閃」維園市集 捧同鄉場

【明報專訊】一連5日嘅第二屆同鄉社團家鄉市集嘉年華前日（1日）起喺維園舉行，前特首林鄭月娥噚日「快閃」市集，逗留唔夠半個鐘離開，其間佢被問到... 詳情

《學苑》：港大招標增國安條款 若校方「合理相信」供應商危國安可ＤＱ

【明報專訊】去年審計報告指出不同機構未於招標文件及指引中加入維護國家安全內容。港大學生會《學苑》日前發文稱，港大更新招標文件時附設的「一般條... 詳情

恒大副校：按社會變化檢視迎新指引 充分諮詢學生

【明報專訊】去年多間大學的迎新營傳出風化案或學生有不當行為，各院校正加強監管迎新活動。恒生大學新增安排，今年會在網頁刊登認可的迎新活動清單，... 詳情