【Emily】時任官員駁反對派提垃圾徵費論 陸恭蕙：當年有份寫藍圖 張欣宇：董年代已提
[2024.04.09] 發表
【明報專訊】中國和平統一促進會香港總會理事長盧文端噚日喺本報觀點版撰文，指垃圾徵費當年「由激進反對派提出」，建議政府考慮擱置。立法會新界北議員張欣宇就喺facebook不點名回應，指出垃圾徵費最初由董建華政府提出，之後多屆政府均有推動。網上亦有多名網民指出，垃圾徵費法例於2021年係獲建制派支持下通過。
網民溫提：建制全投支持票通過
張欣宇噚日喺fb發文，認為「事實還事實」，指垃圾徵費最早於2005年由董建華政府提出，於曾蔭權、梁振英任內曾諮詢公眾，到上屆政府向立法會提交法案。張欣宇仲特別提到，立法會於2021年以37票贊成通過垃圾徵費法案，當中逾20人仍為現任議員，更有兩人𠵱家做咗官員，即副律政司長張國鈞同埋民青局長麥美娟。
時任副環境局長陸恭蕙亦同有線新聞講，事實查核好重要，話呢個唔係反對派提出嚟「搞亂香港」嘅政策，稱政府喺2013年發表《香港資源循環藍圖》提出實施垃圾收費，佢同時任局長黃錦星及環保署有份撰寫，係反映政府嘅推行意願。
翻查資料，2021年立法會通過垃圾徵費法例時民主派議員已經總辭，有37名建制派議員都投贊成票，唯一投反對票嘅議員係熱血公民鄭松泰。唔少網民討論，有人留言反問「咁建制派又投贊成票？」，亦有人話「當年環境(運輸及工務)局局長廖秀冬話要收架喎！佢係反對派？」
更多港聞
【Emily】新裝印「請再次回收我」 500毫升可口可樂樽用再造膠
【明報專訊】可口可樂公司噚日宣布，全線500毫升可口可樂、無糖可口可樂同埋「加系可口可樂」膠樽樽身已經採用100%再造膠料（rPET），並已... 詳情
【明報專訊】每一個青年都會經歷尋找自我嘅過程，香港樹仁大學噚日發表調查研究，話有八成受訪中學生同約六成半受訪大專生「未認定自我身分」。研究中...
詳情
【Emily】議員上「雪龍2」號興奮打卡 陳家珮影埋船員睡房洗手間
【明報專訊】中國第一艘自主建造嘅極地科考破冰船「雪龍2」號噚日起訪港，多名官員、行會成員、立法會議員均把握機會上船打卡。其中行會成員林正財坐... 詳情
【Emily】幫手提質詢 每月津貼3000 教大生陳沛良議辦實習3月
【明報專訊】立法會議員議員辦事處（議辦）會收大學生實習生，選委界別陳沛良就啱啱送別兩名來自教育大學、修讀碩士課程嘅實習生。佢哋喺陳沛良議辦工... 詳情
公經社課本 引《憲法》談公民權利 均藉防疫闡「權利非無限制」 校長：糾舊科過分談自由
【明報專訊】初中「公民、經濟與社會科」（下稱公經社科）今年9月起將取代生活與社會科，在中一級全面推行。本報比對5間出版社共6套已送審首批公經... 詳情相關新聞
