【Emily】聯國會議「同框」提國安法23條 黎智英律師同何君堯──這麼近，那麼遠

【Emily】聯國會議「同框」提國安法23條黎智英律師同何君堯──這麼近，那麼遠

[2024.03.14] 發表

【明報專訊】瑞士日內瓦舉行嘅聯合國人權理事會，喺周二出現一幕撐同反香港國安法律嘅場面。立法會議員何君堯原來飛咗去瑞士，以法律服務組織身分代表發言，表態撐《基本法》23條立法。這麼近、那麼遠，無幾耐發言嘅就係壹傳媒創辦人黎智英嘅國際律師團隊代表Jennifer Robinson，佢公開呼籲北京同香港廢除《港區國安法》，又問聯合國會點跟進黎智英案。

據直播片段，兩個人輪候發言期間一度前後排咁坐，不過就無直接交流，何君堯發言期間，坐喺何後排嘅Robinson偶爾望住何背影微笑。何君堯離席後，Robinson就緊接坐喺同一座位發言。

Robinson籲廢國安法

何：23條包含人權保障

何君堯喺會上重提自己喺2019年遇刺造成2厘米刀傷事件，又話香港即將完成23條立法，話23條包含符合國際人權公約嘅保障，香港會更安全，之後因為發言夠鐘疑遭「熄咪」。

新任聯合國反恐與人權問題特派員Ben Saul回應嗰陣，重申對國安法廣泛定義對言論自由同新聞關注，又鼓勵香港當局同佢嘅辦公室聯絡，改善23條草案內容。