【Emily】七成學童唔想「被出現」父母網帖中
[2024.01.15] 發表
【明報專訊】唔少家長會喺社交媒體分享仔女生活照，但分享前有冇諗過仔女嘅感受呢？香港中華基督教青年會調查顯示，近三成家長分享仔女嘅相或影片時，冇問過對方意願；逾七成學童話傾向父母唔好喺網絡分享自己嘅資訊。青年會協調幹事施文欣話，調查訪談中有學童話因父母喺網上分享自己嘅生活，而遭同學取笑甚或被欺凌，提醒家長分享前應先徵求仔女同意，尊重其意願。
三成家長冇問過仔女po帖
青年會舊年9至11月訪問793名子女正於中小學就讀嘅家長，以及1094名中小學生。結果顯示，近六成家長更傾向覺得仔女唔會因資訊被分享而出現尷尬及討厭等負面情緒；惟逾四成受訪學童話，被家長分享資訊傾向感到尷尬，更分別有28.2%及23.2%人傾向感到討厭及憤怒。
施文欣話，明白家長對仔女嘅成就感自豪，希望同人分享喜悅，但過度分享仔女嘅成長或會對仔女帶來不必要困擾，甚或令仔女對父母產生信任危機，影響親子關係。
個人資料私隱專員公署話，互聯網冇「永遠刪除」鍵，個人資料一旦喺網上公開，就可能被人永久保存及轉載，呼籲家長應想清楚對子女將來嘅影響，好好保障子女私隱。
更多港聞
【Emily】臨飛達沃斯 陳茂波主禮中環共融跑ACCA活動
【明報專訊】中環噚日「日繽紛」，有兩項活動上下午舉行，同由財政司長陳茂波主禮，而財爺晚上就啓程去瑞士達沃斯出席世界經濟論壇年會。其中由東華三... 詳情
【Emily】陳日君92歲生日 教友網民紛祝福
【明報專訊】天主教榮休主教陳日君樞機前日（13日）92歲生日，有海量教友、網民喺佢社交媒體留言祝福。陳日君喺facebook上載一張相片，見... 詳情
【Emily】現身院慶 沈祖堯笑稱「唔好問我嘢」
【明報專訊】中大醫學院原定舊年舉辦40周年院慶晚宴，點知遇上10號風球要延期，前晚（13日）終於順利舉行，約2000人聚首一堂慶祝。上周宣布... 詳情相關新聞
