【Emily】次輪10萬張百元餐飲消費券明可撳
[2024.01.09] 發表
【明報專訊】旅發局第二批共10萬張「香港夜饗樂」本地市民版餐飲消費券，會喺聽日周三(10日)朝早10點開始畀市民「搶」，餐飲消費券每份價值100元。今次涵蓋全港約110個商戶、合共超過600間「優質旅遊服務」計劃認可食肆及酒吧，包括米芝蓮星級粵菜食府、海鮮酒家、高質法國菜、意大利菜，亦有多間人氣酒吧。
市民可於每日夜晚6點之後前往已揀選嘅食肆或酒吧，堂食夠100元或以上，就可以即減100元。旅發局提醒市民，預先用以香港手機號碼註冊Discover Hong Kong電子平台帳戶，到時10點後先進入網站(圖)，建議大家唔使過早搶入；如果市民之前拎過首批餐飲消費券，就要用咗先可以拎到第二張，拎到後亦要喺30日之內使用。
更多港聞
【明報專訊】國泰航空自上月接連取消多班航班，令不少乘客大失預算，民建聯主席陳克勤亦成「受害者」，佢噚日話本來訂咗機票去福建廈門參加政協會議，...
詳情
【Emily】陳國基孫玉菡訪灣區 穗坐無人小巴
【明報專訊】政務司長陳國基（右三）率領勞福局長孫玉菡（右四）等多名局長及官員，噚日去咗廣州，展開粵港澳大灣區內地城市訪問，噚日行程包括喺廣州... 詳情
相關新聞
