【Emily】藝廊展品被指疑「偽鈔活動」 警到場查列「誤會」
[2023.08.07] 發表
【明報專訊】位於中環大館嘅藝廊Touch Gallery 8月舉行「為何寫實？」展覽，但藝廊前日喺facebook話日前有警員上門調查。原來事件係有人見疑即報，指一個以港幣為創作靈感嘅作品展懷疑係販賣偽鈔活動。藝廊話警員喺4號下午到場調查，「以為我們是偽鈔製造基地」。警方回覆Emily查詢話當日下晝約5點半接到市民報案，話喺大館有港幣畫作懷疑有問題，警員到場後發現係同港幣有關嘅藝術品，事件列「誤會」。
有關作品由藝術家麥頌恩(Grace)創作，佢畢業於中大經濟系，現讀緊中大藝術文學碩士一年級。睇番啲相，作品以鈔票為意念，其中一幅以500元為藍本，畫上「香港上海滙豐銀行有限公司」，不過「500」前後倒轉咗做「005」(匯控上市編號)，並畫上「每股廿捌元」。
Touch Gallery話，Grace嘗試以經濟學角度出發，結合藝術嘅表達形式，探討社會同個人、理性同感性以及真實同虛假之間嘅衝突同融合；Grace希望透過呢個系列回應藝術同金錢間嘅關係，故揀咗港幣做題材。
更多港聞
【Emily】「新工程合約」模式減超支機率 發展局英國獲獎
【明報專訊】傳統嘅工程合約，風險一般由承建商承擔，施工期間一旦出現問題，合約雙方較易發生爭拗，最後浪費更多時間同金錢。政府自2009年起喺工... 詳情
相關新聞
