【Emily】泄資料事故通報增網上填報
[2023.07.01] 發表
【明報專訊】個人資料私隱專員公署話，截至周四(6月29日)，今年上半年接獲55宗資料外泄事故嘅通報，按年增加超過兩成。公署噚日修訂《資料外泄事故的處理及通報指引》，比較上一份2019年嘅指引，今次將處理資料外泄事故嘅程序整理成5個步驟，其中一個程序，原本公署建議事故後應該喺切實可行情况下，盡快通報公署同當事人，新指引加入「無論內部調查進度如何」都應盡快通報。
新指引亦建議機構為資料外泄事故做好應變計劃，涵蓋內部事故通報同調查程序等。而以往機構通報需交紙本表格，今次公署就推出埋網上表格畀有需要嘅機構通報。
私隱專員鍾麗玲話，近年資料外泄事故有上升趨勢，唔同規模同行業嘅機構都可能遭受網絡攻擊，或因人為錯誤令到資料外泄，期望指引協助涉事機構妥善處理同管理資料外泄事故，減低對當事人影響、對機構可能造成嘅損害。
更多港聞
相關新聞
