【Emily】5000鴨仔大佛下排排坐
[2023.06.12] 發表
【明報專訊】黃鴨近日孖變單，可能大家都有啲失望，不過噚日就有近5000隻小黃鴨現身大嶼山天壇大佛，喺大佛下嘅268級石階排排坐「合照」，場面壯觀。今次橡皮鴨快閃天壇大佛活動由昂坪360義工隊發起，同鄰舍輔導會一共40幾名義工共同完成，希望傳遞橡皮鴨友愛大同嘅正面信息。
千隻義賣收益支援基層
呢啲鴨仔之後仲會「遊」到昂坪市集，參加6月13日(明日)至9月3日舉辦嘅「橡皮鴨二重暢」遊昂坪360活動，同公眾見面。今日起，大家更加可以喺市集嘅「香港有愛」商店，以慈善價50元購買首批1000隻昂坪360獨家發售嘅橡皮鴨，收益全數捐畀鄰舍輔導會，支援家庭、青年同安老等服務，為基層家庭送上關愛。活動結束後，昂坪360會檢查所有展出過嘅鴨仔，並清潔狀態良好嘅橡皮鴨，安排轉送鄰舍輔導會嘅服務使用者或義賣。
「扁皮鴨」已充氣 可再展出
咁因為天氣太熱而要放氣減壓嘅「扁皮鴨」去咗邊？主辦單位用躉船吊臂將「鴨皮」連底座吊離水面，運去青衣船廠等待維修。主辦單位噚日話，漏氣鴨經檢查，反覆測試，將再喺維港展出；同時話據天文台預測，未來幾日天氣仍不穩定，團隊會盡最大努力守護橡皮鴨。據喺船廠所見，黃鴨下晝重新充氣，但主辦方未講幾時能游番出維港。
更多港聞
【Emily】岑敖暉30歲 牆內第三個生日 太太盼早日回家團聚
【明報專訊】荃灣前區議員岑敖暉（Lester）因民主派「35+初選案」正在還押，噚日（11日）喺獄中度過30歲生日，數數手指已經係佢於獄中度... 詳情
【Emily】朱紅毛斑蛾咬榕葉 發展局推防治措施
【明報專訊】朱紅毛斑蛾近月再次大爆發，多區榕葉被呢種昆蟲嘅幼蟲（圖）咬至光禿，最近更殺入古樹林立嘅九龍公園。發展局噚日喺社交網站發帖文，話該... 詳情
【Emily】100公里跑步機接力賽 親子行善 10歲跑手緊張又開心
【明報專訊】全港首個用跑步機形式舉行嘅室內大型跑步活動「飛越啟德100KM跑步機慈善挑戰賽」，噚日同前日喺九展舉行，吸引逾500人參加。噚日... 詳情
【明報專訊】第111屆國際勞工大會全體會議早幾日喺瑞士日內瓦舉行，港九勞工社團聯會副主席譚金蓮以勞顧會僱員代表參與，並喺facebook搞有...
詳情
相關新聞
