【Emily】8議員考察沙頭角 隔牆問好深圳市民
[2023.05.15] 發表
【明報專訊】今屆政府積極推動北部都會區發展,多名立法會議員包括民建聯葛珮帆、身兼打鼓嶺區鄉委會主席嘅陳月明等,前日冒雨到北都同沙頭角一帶考察。佢哋建議將沙嶺殯葬城用地用作發展口岸經濟,又批評同羅湖比較,北都土地用途雜亂無章,混雜荒地同堆填區等厭惡設施,促請政府改善。
8名立法會議員前日到北都考察,本來打算進入沙頭角中英街,但因為未能及時申請「禁區紙」,所以無法成行,不過佢哋都喺沙頭角隔住圍牆同對岸嘅深圳市民「打招呼」。
佢哋又去到計劃興建沙嶺殯葬城嘅地皮,認為地皮對面正正係羅湖商業城,應該考慮改變用途,發展口岸經濟。佢哋亦批評北都土地規劃混亂、嚴重落後,希望政府以創科同現代物流等產業帶動北都嘅建設。
議員並參觀咗荔枝窩客家生活體驗村同復耕農田,了解到鄉郊保育辦公室嘅工作成果同進度,又希望政府檢討相關法例,加快推動北都嘅旅遊同文化活動,處理承載力問題。
更多港聞
【Emily】全港首間 恒生銅鑼灣設寵物友善分行
【明報專訊】香港愈來愈多人養寵物,不過並非所有地方都容許市民攜帶寵物內進。恒生銀行喺銅鑼灣設立全港首間寵物友善嘅銀行分行,客戶可以帶埋寵物一... 詳情
【明報專訊】嶺大計劃修例,學生會會長不再是校董會及諮議會當然成員,而是按規程互選產生,再由校董會委任,並以相同方式產生一名新增的研究生成員。...
詳情
【明報專訊】港大日本研究學系8名同學早前赴日本秋田縣和銚子市交流7天,是自新冠疫情3年以來復辦考察。行程主題是日本在環境保護方面的實踐,同學...
詳情
相關新聞