【Emily】曾俊華：一日有DSE存在 難推學生有創新
[2023.03.27] 發表
【明報專訊】人工智能(AI)聊天機械人ChatGPT喺全球掀起熱潮，香港有大學禁止學生使用ChatGPT做功課。前財政司長曾俊華就批評做法「多餘」，反問點解唔畀學生用AI輔助做功課，質疑咁樣同禁止學生用計數機無分別。佢又話香港文憑試(DSE)制度限制學生創意，憂慮長此下去香港會同世界大潮流嚴重脫節。
批大學禁用ChatGPT做功課「多餘」
曾俊華噚日喺facebook發文，認為AI係幫助人類工作嘅工具，教育工作者應該思考點樣將AI融入課程，處理機械式工作，不點名批評有大學禁止學生用ChatGPT屬「多餘」，猶如要求學生用紙筆計數。佢指出，大可以容許學生利用ChatGPT撰寫初稿，然後修改同豐富內容，老師亦可以把關審核學生係咪搬字過紙、有冇創新諗法。
佢又提到日前出席一個討論Web3嘅研討會，佢當時話教育制度阻礙香港發展，形容現時教育制度猶如「以19世紀嘅課程，20世紀嘅老師，去教一班21世紀嘅學生」。曾俊華批評DSE令學生跟住考試課程讀書，香港一日有DSE存在，好難推動學生有創新同創意。佢並提出大膽建議，所有中學生均可升讀大學，喺入學一至一年半都唔能夠達到大學應有水平就要退學，藉此畀年輕人更多發揮空間。
更多港聞
【Emily】收200無家動物 兩棲爬蟲協會籲領養
【明報專訊】一講棄養，好多人都會諗起貓狗，其實被棄養嘅仲有守宮同烏龜呢啲兩棲及爬蟲動物。漁護署轉交動物領養計劃嘅伙伴機構香港兩棲及爬蟲協會，... 詳情
【Emily】陳岳鵬奪兩鐵聯賽獎 劍指墨爾本賽
【明報專訊】政制及內地事務局前副局長陳岳鵬（Ronald）離開政府後，「轉跑道」去馬會擔任內地事務部主管，同時選擇咗另一條跑道，就係三項鐵人... 詳情
科大嶺大城大 內地教員較本地多 嶺大：內地學者教研多元 城大：本地學者所指為何？
【明報專訊】本報早前報道，8間資助大學的「本地」教員在過去4個學年持續減少，「中國內地」背景教員則明顯增加。教資會回覆本報查詢的數據顯示，在... 詳情
相關新聞
