【Emily】工程師學會西九辦嘉年華 有攤位遊戲玩
[2023.03.04] 發表
【明報專訊】為咗令公眾了解專業工程師嘅多樣性同對社會發展嘅貢獻，香港工程師學會今明兩日喺西九龍文化區舉辦嘉年華，以深入淺出嘅方法展示日常生活嘅工程應用，同各類型嘅有趣工程知識。嘉年華分別喺東、西翼攤位嘅中心放置一個3米高嘅大型吉祥物公仔畀公眾「打卡」留念，沿路海濱長廊亦擺設咗多個展覽板講解各工程界別嘅資訊。
今次嘉年華邀請超過40間來自學會分部及不同公司擺攤位，分享各類工程知識同技術，包括大型基建，以至飛機工程等知識，更可透過VR設備體驗最新嘅工程技術。學會仲安排一連串業界分享、STEM工作坊、搖搖同樂隊表演等活動，希望加深公眾、尤其係年輕一代對香港工程師嘅認識。
更多港聞
【明報專訊】「香港花卉展覽2023」下星期五（10日）起喺維園舉行，其中預計下年落成嘅啟德體育園，會喺花展舉辦首個戶外展覽，介紹體育園項目，...
詳情
相關新聞
