【Emily】甘浩望獄外靜坐 盼釋放社運在囚者
[2023.01.10] 發表
【明報專訊】一直關注人權狀况嘅甘浩望神父，噚日喺赤柱監獄外靜坐，期望政府可釋放早前因社會運動入獄嘅在囚者，畀佢哋可以於農曆新年返屋企過年。甘神父帶住寫有「家庭團聚 基本人權」同印有「FREEDOM FOR ALL」口號嘅橫額到場，佢話希望政府透過特赦、罰款等方法釋放在囚者，還佢哋自由。
甘神父話，香港政府常期望本港復常，但只強調經濟、新冠防疫規例等方面，惟社會失去自由係人對本港失去信心嘅主要成因，佢認為應盡快釋放在囚者，還香港健康社會。佢話涉《港區國安法》被捕嘅朱凱廸、李卓人、黎智英等在囚者對本港有貢獻，「社會冇咁多豐富嘅服務精神」、「失咗好多為人民服務嘅力量」。佢又話不時有新聞報道有人因涉港區國安法或參與民主運動上庭或被捕，「邊個夠膽嚟投資、生活同旅行？」
被問靜坐成效 甘：少少聲音好過冇
被問及靜坐成效，甘浩望話或者唔會有顯著效果，但要追隨自己內心，又稱「少少聲音好過冇」。佢話噚日有警員到場了解，現場所見遠處亦有警車停泊。佢又話有心理準備會被捕，「聽日發生咩事都唔知」。
更多港聞
【明報專訊】新一年度立法會會期即將開始，唔少議員近日上載過去一個年度嘅工作報告，「新議員」之一嘅選委界議員江玉歡（Doreen）噚日都出咗首...
詳情
【Emily】距全免通關差一點 田北辰冀兔年成事
【明報專訊】農曆新年將至，實政圓桌立法會議員田北辰日前落區向市民派揮春。嚟緊係兔年，佢話自己寫中文字時成日搞亂相似嘅字，例如兔同免，𠵱家見... 詳情
浸大環迴影院研視藝科技 400 LED屏組成 定期開放公眾「互動」
【明報專訊】從3D、4D至IMAX巨大弧形屏幕等，影院提供的視覺體驗愈趨多元化。浸會大學獲創新科技署撥款成立視覺化研究中心，內設360度LE... 詳情
相關新聞
