被「開籠雀」Serrini感染 王菀之自嘲放笑彈
【明報專訊】王菀之(Ivana)與Serrini(梁嘉茵)一連4場《Ivana x Serrini Fairy Nice To Meet You Live 2022》演唱會前晚結束，連日來吸引大批圈中好友捧場，還有她們的父母，歌迷又大讚是年度最佳演唱會。Serrini前晚妙語連珠，帶給觀眾歡樂，她笑說：「其實有諗過不要講咁多無聊嘢，驚壞咗Ivana藝術性，一開始個幾首歌，我同佢都冇行埋一齊唱，因為我著到『唱K小魚仙』咁，行過去似襲擊露營人，所以我哋分開，咪以為我哋不和呀。」
一向寡言的Ivana表示從Serrini身上學會說話的勇氣，她說：「因為我好鍾意笑，但我又好鍾意個騷的造型，好靚，好有型，不過我一笑對眼會唔見咗……所以靜咗。既然大家都打開心扉，想分享這幾日彈琴時，啲人不止讚我彈琴好聽，有人話我隻手好瘦。點解呢？其實個個都得㗎，只要上面同下面都好大，成個世界講的是平行同比例，彼如你想條腰好幼，都係要上下面好大。」引得全場爆笑，掌聲連連。
難忘服裝輪流出意外
Ivana與Serrini完騷齊說合作十分愉快，對外間讚這個騷是年度最佳演唱會，會否移師紅館舉行？兩人開心得到讚賞，Ivana說：「合作什麼時侯都可以，再玩就可能是其他新嘢。是否年度最佳騷真的不敢講，要睇好多騷先知。」Serrini稱在台上看不到自己個騷好不好，當然希望再合作，但大家都要先休息。
二人談到演出難忘事，Ivana前晚穿「帳幕裙」亮相時出了小意外，「我這個露營人嗰帳幕打不開，好彩舞蹈員夠專業幫我搞番好」。Serrini有一條裙亦出事，「因食多了少少燒味飯，拉不到拉鏈，樂手不停奏了5分鐘音樂幫我頂住」。Ivana在社交網上載父親睇騷時起身跳舞片，短片是母親所拍，她收到時好感動，好開心見到爸爸活潑投入一面。Serrini說她的父母在演唱會未完已走先，因不想太迫人。
娛樂組
撐新手監製參演微電影 邵音音聞海外獲獎「開心到彈起」
【明報專訊】邵音音（音音姐）演出羅沛琪、嚴崇天監製的微電影《地產KOL》，獲法國尼斯國際電影節最佳喜劇獎，她得悉喜訊「開心到彈起」，並說：「... 詳情
《王后傘下》大團圓結局高收 宋仲基新劇贏《禹英禑》今年收視冠軍
【明報專訊】宋仲基與李聖旻合演韓國有線頻道JTBC劇集《財閥家的小兒子》，開播以來收視節節上升，前晚播出第9集，收視19.4%再創新高，更打... 詳情
