【Emily】開心指數升 惟多咗人抑鬱

【明報專訊】有團體調查發現，本港整體開心指數有6.59分(10分滿分)，較去年升0.15分，高過2018年嘅6.54分，屬近年新高。政治及社會狀况、政府施政等滿意程度亦回復至反修例運動前嘅水平，但仍喺10項影響開心指數嘅環境因素中評分最低；調查仲發現港人有抑鬱情緒症狀嘅比例按年上升，平均每兩人有一人有輕度至嚴重抑鬱症狀，話情况值得關注。

長者最開心 12至18歲最唔開心

和富社會企業「香港開心D」噚日公布早前委託東華學院護理學院做嘅2022「香港開心指數調查」，調查以網上形式喺8月訪問咗1147名12歲以上市民，當中最開心嘅年齡組別仲係55歲或以上者，有7.16分；最唔開心組別係12至18歲市民，有5.93分。和富社會企業執行董事李美辰話，新冠疫情下學童受停課影響，承受壓力比平時大，倡社會關注學童需要及教學模式。

調查以10項外在環境因素滿意度評分，港人對政治及社會狀况、政府施政、整體經濟狀况、信任政府處事嘅滿意程度最低，平均唔過5分，而政治及社會狀况由2019年3.06分升至4.69分，政府施政就由2.73分升至4.55分。東華學院護理學院副院長林清話，疫情開始受控同社會逐漸復常，結果合理反映社會現象。

更多港聞

【Emily】百萬行復辦 11?20踏足將軍澳跨灣連接路

【明報專訊】新冠疫情爆發以來，公益金百萬行將首度恢復舉辦實體步行籌款，其中2022/23年度新界區百萬行將於11月20日（周日）喺未通車嘅將... 詳情

【Emily】大南瓜登陸M+ 草間彌生展門票周四開售

【明報專訊】位於西九文化區嘅M+博物館下月12日（星期六）將迎來開幕一周年，同日並舉辦特別展覽「草間彌生：一九四五年至今」，至明年5月14日... 詳情

【Emily】梵高家鄉推NFT 籌款保育文化遺產

【明報專訊】偉大嘅藝術家即使遠去，餘光仍能感染世人。荷蘭嘅梵高文化遺址基金會聯同國際NFT平台「賞創科技」，推出「梵高39 NFT系列」6款... 詳情

【Emily】接43投訴冒認廉記 專員拍片篤爆騙徒

【明報專訊】廉署噚日喺facebook專頁上載宣傳短片，片中有人扮演騙徒，合謀假扮與內地公安、省檢合作，叫「水魚」存錢入廉署人員戶口，作為調... 詳情

反修例釋囚：五度求職碰壁 蛻變計劃倡政府牽頭聘被捕青年

【明報專訊】2019年反修例事件逾萬人被捕，約四成人是學生，部分人陸續服刑完畢，但走出鐵窗之外，或因案底面對求職困難。為反修例案件被捕青年提... 詳情