【Emily】6月職位空缺6.25萬 有工無人做 教界7440空缺最多
[2022.09.21] 發表
【明報專訊】香港有冇移民潮？官員話無，但噚日政府統計處公布職位空缺數字，有工冇人做嘅情况就真係有。根據「按選定主要行業劃分的職位空缺數字」，今年6月職位空缺有6.25萬個，比去年同期多咗17,060個，升38%，其中空缺最多係教育行業，有7440個。
「人類保健服務」空缺增172％
統計資料顯示，今年6月各行業合共僱用267.3萬人，統計處話大部分選定行業嘅職位空缺數目較上年同期增加，其中「人類保健服務」空缺升幅達172％，有5860個空缺。
毅知顧問公司董事總經理周綺萍(Alexa)話，今年中職位空缺大增，係因為受第五波疫情影響。佢舉例話，長者院舍之前係爆疫重災區，相信部分員工因而劈炮，加上呢行本身工作辛苦，要多勞動，多年來都唔夠人，疫下職位空缺就更嚴重。佢又話，「住宿服務」業人才渴市，相信同檢疫酒店需求大有關。
人事顧問：教界多移民致「工等人」
至於教育界出現唔少空缺，Alexa認為學界一早習慣疫情期間嘅返學模式，要網課同實體課交替，所以情况同疫情關係唔大。佢反而覺得，因應前年《港區國安法》實施，唔少政治理念較強嘅老師覺得難以適應同接受，近年陸續移民，導致「工等人」嘅情况出現。
更多港聞
【明報專訊】唔少行業唔夠人開工，九巴今個星期六（24日）會舉辦「聯廠招聘日」，招聘車長、維修員、顧客熱線代表等崗位，九巴人力資源部主管楊耀偉...
詳情
【明報專訊】警方噚日喺監警會公開會議提及，因應「童樂居」虐兒案，先後推出唔同措施，應對日後同類案件嘅調查同檢控效率，各委員就家暴同性暴力等問...
詳情
【明報專訊】香港民研噚日公布特首李家超嘅最新民望，佢支持率淨值有13個百分點，較上次8月初嘅調查微升1個百分點，創下2018年8月以來特首民...
詳情
【Emily】狄志遠：政府要市民「追」先解決問題 提施政報告建議 倡檢討執行力
【明報專訊】特首李家超近日分批見立法會議員，諮詢佢哋對《施政報告》嘅建議，噚日就輪到一眾「單頭」議員。新思維狄志遠喺會上批評政府應檢討自身執... 詳情
相關新聞
