【Emily】黨友賀胡志偉登六 旺角擺賣「單車佬」產品

民主黨為前主席胡志偉設計咗張生日卡，有志偉踩單車嘅圖畫，仲有隻白鴿同行。圖畫下面係一首聖詩嘅歌詞。

【明報專訊】民主派初選案多人還押候訊，民主黨九東團隊準備為被告之一、還押緊嘅前主席胡志偉(圖)慶祝生日，團隊會喺旺角擺市集，畀街坊同支持者寫生日卡，向10月生日嘅志偉問好。志偉喺獄中信咗教，生日卡印有詩歌《神未曾應許》嘅歌詞，仲有志偉招牌踩單車嘅圖畫。

援助胡志偉尹兆堅林卓廷訟費

民主黨九東支部副主席莫建成話，民主黨3個團隊喺旺角嘅市集租咗個臨時檔位賣貨品，賺到錢會畀還押緊嘅胡志偉、尹兆堅同林卓廷用嚟打官司等。阿成話以往都有人想捐錢，但𠵱家搞籌款、眾籌隨時有麻煩，所以佢哋擺檔真係為「賺錢」，賣嘅嘢係用志偉「單車佬」做嘜頭嘅產品，包括茶葉、魚皮等。

志偉喺10月18日就「登六」，九東團隊搵人設計生日卡，賣20蚊，畀街坊去市集寫祝福語句，而因為寄郵件入去監獄要一定程序及時間，所以要提早少少搞活動。阿成話獄中嘅黨友其實幾悶，收到市民信件會好開心。

民主黨嘅攤檔喺旺角銀城廣場1樓市集內，每日下晝1點至晚上9點半開檔，至9月12日，而志偉嘅生日卡要9月3日先發售。阿成期望中秋節假期會多啲朋友去支持。

更多港聞

【Emily】郊園攝影賽果出爐

【明報專訊】漁護署早排舉辦香港郊野公園攝影暨短片比賽，分成3組：風景攝影組、手機風景攝影組、風景攝錄組，噚日公布結果，喺超過1400份參賽作... 詳情

【Emily】公民黨集思會料商去留 梁家傑擬卸任主席

【明報專訊】公民黨領導層將喺年底換屆，黨主席梁家傑同Emily講，佢傾向卸任主席一職，而公民黨將喺月中召開集思會，無訂議程，預計到時會有黨員... 詳情

【Emily】妻女搬泰國 林景楠籲市民避港獨思想

【明報專訊】民主派初選案被告、阿布泰國生活百貨創辦人林景楠前日喺facebook發文，話佢嘅太太同兩個女已經移居泰國開展新生活。佢提到自己對... 詳情

【Emily】海事處打撈啟豐二號

【明報專訊】去過釣魚島宣示中國主權嘅保釣船「啟豐二號」舊年7月沉咗，海事處噚日派員去筲箕灣避風塘打撈。保釣行動委員會主席、船東羅堪就話海事處... 詳情

【Emily】紫荊黨治港講習班 四十幾人「畢業」

【明報專訊】紫荊黨舊年舉辦第一期「愛國者治港講習班」，日前搞結業禮，總共有40多個學員順利「畢業」，獲頒「香港的管治和政治人才」結業證書。紫... 詳情