【Emily】太陽能關懷計劃啓動 「上網電價」回贈教育
[2022.08.30] 發表
【明報專訊】唔少機構都想方法推行低碳環保行動，恒生銀行同團體「低碳想創坊」就合作辦太陽能關懷計劃，計劃首個項目係喺沙田突破青年村安裝太陽能發電板(圖)，工程已完成，噚日舉行啟動儀式。今次工程安裝咗268塊太陽能板，數目雖比原先計劃嘅390塊少，但因為改用更高效能裝置，所以總電容量跟原設計相若。
突破機構話，會利用太陽能板嘅「上網電價」回贈，用嚟支持各項教育活動。除咗硬件建設，太陽能關懷計劃活動，仲包括請專業樹藝師辦樹木護理工作坊、綠色訓練營、本地青年氣候峰會等，期望一年能吸引約5400名青年參加。
更多港聞
相關新聞
