【Emily】10公廁變「智慧」 廁格實時報數 網民：不如加人清潔 食署：改善服務
[2022.06.30] 發表
【明報專訊】荃灣德華公園公廁外面近日安裝咗電子屏幕，實時顯示男廁同女廁內可用尿兜、可用廁格嘅數量，同時亦顯示氣溫同濕度。一眾網民對呢樣「新科技」感到好奇，亦有人批評浪費資源，話不如請多幾個工友清潔。食環署回覆Emily話，署方同機電署合作，舊年第三季起陸續喺轄下10個公廁安裝「智慧廁所」試驗計劃嘅設備，當中包括德華公園公廁。
食環署話，應用物聯網技術，會透過「傳感器」收集多項有關公廁運作嘅數據，包括使用量、臭味等環境參數、廁紙等消耗品嘅使用情况、機電設備運作狀態，同埋用戶回饋等，呢啲數據可以監察公廁日常運作，改善服務質素，同時亦提供有用資料迎合公眾需要，例如男女廁設施使用量、男女廁廁格比例等。
德華公廁曾裝Dyson乾手機
署方又話，計劃喺今年第三季試行，為期一年，計劃中每一個「傳感器」嘅成本約1000至數千元。計劃包括灣仔堅拿道公廁、尖沙嘴碼頭廣場公廁、荃灣川龍村公廁、屯門福亨村公廁等10個食環署公廁。
2019年荃灣德華公園公廁安裝多部Dyson乾手機，當時亦曾引起熱議，被網民質疑浪費公帑。
更多港聞
【明報專訊】香港故宮文化博物館周六（7月2日）起對公眾開放，西九文化區管理局噚日宣布，委任大律師公會前主席譚允芝接替陳智思，今年9月1日起擔...
詳情
【Emily】唔等警察問上級 陳勇落車拖篋赴酒店隔離
【明報專訊】唔少政商界人物噚日中午起要入住隔離酒店，準備出席今日同聽日嘅慶回歸活動，部分人入住後隨即喺酒店「打卡」留念，其中入住萬麗海景酒店... 詳情
【Emily】楊潤雄：教局任內大量「撥亂反正」
【明報專訊】林鄭班子部分官員近排紛紛發表告別感言。即將調任文化體育及旅遊局長嘅楊潤雄，噚日喺facebook回顧教育局長任內工作，提到過去幾... 詳情
相關新聞
