【Emily】林鄭讚陳帆「身兼兩局職」任勞任怨

過渡房屋「博愛江夏圍村」佔地約48萬方呎，由恒地以象徵式1元借出土地，共有8幢4層高住宅，提供1998個單位，同一時間可容納6000人居住。第一期住戶5月底已入住，第二期單位建造工程仍在進行，預計整個項目今年底前完成。圖為項目單位。（賴俊傑攝）

特首林鄭月娥（中、啡衣）同運房局長陳帆（林太背後）任內最後一次喺公開活動同場，參觀元朗江夏圍過渡房屋項目。（賴俊傑攝）

【明報專訊】你方唱罷我登場，候任特首李家超新班子前日公布，現屆政府任期進入最後倒數。外界形容特首林鄭月娥班底喺新班子近乎「清零」，5年前獲林太提拔、由機電工程署長升任運輸及房屋局長嘅陳帆亦「冇得留低」。林太同陳帆噚日參觀元朗過渡房屋項目「博愛江夏圍村」，就主動提到呢次係同陳帆最後一次一齊出席公開活動，佢讚對方喺任內竭盡所能，任勞任怨，又話運房局將會分拆成兩個局，一個係運輸及物流局，一個係房屋局，就證明咗陳帆過去5年一直係一人肩負兩個局長職位。

過渡屋計劃係陳帆任內新政，如今成為佢同林太任內最後一場公開活動。陳帆話冇留任係「個人考慮」，又話團隊過去5年已盡最大努力滿足社會期望，但始終時間有限，「我哋做到幾多，相信大家都會見到同知道」，所有工作都有進步空間，「沒有最好，只有更好」。至於會唔會做其他公職，佢就話要「思考吓先」。

更多港聞

【Emily】麥美娟入仕 容海恩貼婚照讚好姊妹

【明報專訊】工聯會立法會前議員麥美娟（Alice）將出任民政及青年事務局長，新民黨議員容海恩（Eunice）噚日喺facebook發布自己當... 詳情

【Emily】特區成立25年特刊出版

【明報專訊】《中華人民共和國香港特別行政區成立二十五周年紀念特刊》噚日出版，特刊訪問咗18名來自不同專業或領域嘅香港精英，佢哋喺本地、內地以... 詳情

【Emily】贊助港緬甸商會活動 港府捲風波

【明報專訊】緬甸軍方政府同反軍政府部隊嘅衝突持續，呢個時候傳出香港政府因為贊助活動喺緬甸捲入公關事件，被緬甸當地人權組織點名批評撐親軍方商家... 詳情

半日班幼園流失13%學生 教聯調查：一成校未來兩年或停辦

【明報專訊】出生率下跌、新冠疫情和移民潮夾擊學界，教聯會昨發布調查，受訪半日班學校平均流失16名（13%）學生，開設全日班的學校平均流失9人... 詳情

長者智能杖改良成行山杖 中學生STEM賽奪冠

【明報專訊】「STEM+E比賽2022」上周舉行頒獎禮，來自逾80間中學400多名學生組隊，於初創公司及商界指導下，按「減廢及廢物管理」或「... 詳情