【Emily】「賞你遊」最後一批逾40行程今報名
[2022.06.15] 發表
【明報專訊】旅發局噚日出埋最後一批「賞你遊香港」超過40個行程，今朝10點開始就可以直接同旅行社報名。連埋之前出咗個啲，而家計埋出咗6萬個本地遊嘅名額，最後一批都係圍繞「探索文化」、「大城小區」、「維港秘景」及「尋覓美食」四大主題，包括畀團友親手製作傳統茶粿、新興藝術「圓圈繪畫(Circle Painting)」體驗、水上的士暢遊維港等，另外亦有參觀老字號醬園、傳統花炮博物館、西貢秘景打卡等。
睇番旅發局網站，部分本地團亦繼續以特色餐飲作招徠，有酒店自助午餐或晚餐、日韓燒烤、台式火鍋、滬菜、點心放題、地道海鮮等，呢批有48個行程可以揀，但有兩個團因為可以去酒店食自助午餐或者晚餐，要加50蚊或198蚊升級。
有團加198蚊食自助晚餐
市民要滿足「疫苗通行證」嘅最新要求，喺實體商戶消費滿800蚊，儲起最多兩張機印收據，可以換取一個旅行團名額。市民可以喺活動網站(https://www.holidayhk.com/local-tours)揀心水行程，直接同旅行社報名。
更多港聞
中學生願婚育比例大減 女54％男69％ 專家籲塑「有希望社會」
【明報專訊】家計會昨日發布五年一度、2021年所做的調查，結果顯示，將來打算結婚及生育的中學生比率，對比2016年及2011年調查呈跌勢，有... 詳情
擬4.6億元建「幼園教育中心」 教局：國教是重要一環
【明報專訊】教育局計劃於小西灣興建「幼稚園教育中心」（下稱中心），造價涉4.666億元，可供所有幼稚園預約申請使用，亦可舉行教師培訓及家長教... 詳情
【明報專訊】李嘉誠基金會向香港教育大學捐款420萬，推行第二階段、為期3年的「人工智能素養項目」，計劃讓1000名大學生、中學生參加，又稱教...
詳情
相關新聞
