【Emily】強勁水柱橫噴單位 網民嘆葵涌邨多災
[2022.05.23] 發表
【明報專訊】有葵涌街坊噚日發現，葵涌邨芷葵樓朝早有一條強勁水柱，從大樓內打橫噴向鄰近一個單位嘅鋁窗同冷氣機位置，只見啲水經簷篷再流下，形成一條小型瀑布咁，據稱最終要閂水掣先可停止水柱噴射。影片所見，幸好被噴到嘅單位隻窗冇打開。
有關片段引起唔少街坊同網民討論，有人問究竟爆邊一條喉先可以噴到一條咁勁嘅水柱；有人講笑話，可以「幫對面(屋)洗冷氣」；有人擔心如果噴嘅係「鹹水嘅話不得了」，可能隔籬屋內外都有手尾。
亦有網民留言諗起，葵涌邨喺第五波新冠疫情期間封邨檢測，慨嘆「葵涌邨今年唔易過」、「葵涌邨今年真係多災多難」，但亦有人話「真係有條大水喉射住，呢個單位好吸財」。
房署話食水導管房出事 冇住戶呈報損失
Emily問過房屋署，房署解畫，原來出事嘅係供應食水嘅導管房，噚日早上已完成搶修，維修期間食水供應無受到影響。至於被水柱噴到嘅單位有冇補償，房署話事件中冇住戶向屋邨辦事處呈報有損失。
更多港聞
【Emily】救貓狗兼安撫獲讚 消防處：生命無分輕重
【明報專訊】鴨脷洲海怡廣場一間寵物cafe早前火燭，消防員入火場營救一狗三貓，片段傳出後喺網上廣傳，好多人見到消防員拍拍貓仔、狗仔個頭安撫佢... 詳情
【Emily】兩度無緣畢業禮 羅冠聰獲頒榮譽博士補憾
【明報專訊】前香港眾志主席、立法會前議員羅冠聰（Nathan）流亡海外兩年，佢喺美國耶魯大學讀完碩士，近日獲美國東岸賓夕法尼亞州私立博雅大學... 詳情
【Emily】葉劉推介腸粉又被笑 黎棟國「護花」
【明報專訊】上周後期天氣幾好，新民黨主席葉劉淑儀上周六喺facebook出帖，話趁住天朗氣清去西貢遊覽，仲發現到一間小店「不得了」嘅豉油王煎... 詳情
【Emily】伙EQ探劏房戶 鄧炳強講完對冲講公屋
【明報專訊】民建聯葛珮帆（EQ）、香港廣州社團總會同沙田婦女會等噚日合辦「食物援助送暖行動」，邀請保安局長鄧炳強一齊包裝1500份食物福袋，... 詳情相關新聞
