【Emily】9次立會大會 林素蔚4次無影 選委界別蘇長荣出席唔夠一半
[2022.04.07] 發表
【明報專訊】新一屆立法會開始接近3個月，睇番立法會資料，連埋實體會議同遙距會議，截至3月30日一共開咗9次大會，大部分議員嘅出席率都達到100%；20名地區直選議員中，19人幾乎百分百出席，唯一一個比較「突出」嘅係新界東南議員林素蔚，9次會議出席率只有56%，即出席咗5次。
直選議員 林衛生panel出席率25％
再睇林議員參與其他會議嘅情况，截至3月25日嘅7次內務委員會會議中，佢缺席兩次；而佢加入嘅3個事務委員會(panel)，其中開過兩次會議嘅福利事務委員會，佢全部都有出席，但衛生事務委員會同房屋事務委員會嘅出席率分別只有25%同67%。
Emily透過林素蔚助手聯絡佢，想了解原因，助手話已轉告信息，至截稿前未收到林素蔚回覆。睇番全部議員嘅出席率，同林素蔚一樣大會出席率都係56%嘅，仲有選委會議員、眼科醫生林順潮，同喺選委會界別嘅蘇長荣更只係出席咗4次會議，出席率唔夠一半。Emily記得今年1月召開首次立法會大會時，蘇長荣都無現身，當時佢回覆話屋企有突發事，出席唔到會議。
更多港聞
【明報專訊】紀錄片《時代革命》因為用咗2019年反修例運動歌曲《願榮光歸香港》，近日鬧版權糾紛，事件噚日出現大和解。《願榮光》創作團隊DGX...
詳情
【Emily】唔使再行百步梯 葵涌邨斜道升降機啟用
【明報專訊】葵涌邨連接大窩口道至禾塘嘴街、俗稱「百步梯」嘅樓梯，係上落山必經之路，唔少長者行到中段都要唞唞。立法會於2017年通過撥款約2.... 詳情
【明報專訊】噚日立法會大會視像會議，恢復口頭質詢同議員議案，工聯會鄧家彪提出「改革香港的扶貧政策和策略」議案，勞工界同商界議員唇槍舌劍。多名...
詳情
【Emily】帆船運抗疫物資 長洲院舍：及時雨
【明報專訊】第五波新冠疫情持續，全港抗疫義工同盟及全港社區抗疫連線嘅義工出動到船運送物資到離島。前日清明節，佢哋將約50箱物資，包括空氣清新... 詳情相關新聞
