選特首 出政綱 賴紅梅著旗袍舞寶劍 胡世全倡九成八按揭

第四度宣布參選特首嘅民建聯胡世全（左）開記者會交代選舉工程及房屋政策，其政綱建議推年輕人首置計劃，容許做到九成八按揭。（鍾林枝攝）

宣布參選特首嘅前保安員、教師賴紅梅（圖）噚日身穿旗袍開記者會講政綱，並帶埋把劍出嚟舞，佢話呢把係「龍泉寶劍」。

【明報專訊】特首選舉提名期下月3日開始，陸續有唔同界別嘅人宣布參選，包括曾任保安員同教師嘅賴紅梅，及民建聯成員胡世全。噚日兩人分別開記者會講政綱，賴紅梅唔知係咪想展示自己都「好打得」，舞劍造勢，並自稱習武多年。至於胡世全，其政綱建議推年輕人首置計劃，容許做到九成八按揭，舉例單位售價200萬元，只需畀4萬蚊首期。

賴紅梅身穿粉紅色旗袍，喺記者會現場單起隻腳、劍指地下，佢形容手上嗰一把係「龍泉寶劍」。佢話知道選特首最重要係中央意願，所以積極想同有關人士聯繫，亦有寫信去中聯辦，希望同中聯辦主任駱惠寧會面，又認為自己參選唔係「陪跑」。

賴去信中聯辦盼晤駱惠寧

賴紅梅嘅競選政綱包括派發每人每年5萬元學費券、每人每年1萬元醫療券、每人每月2000元消費券等。

胡世全第四度公布參選特首，佢噚日講房屋土地主張時，提出九成八按揭措施，話係畀對居住面積需求唔高嘅年輕人。佢認為，如果一個人住，200平方呎嘅單位已足夠。Emily睇吓市場上有咩200萬元以下樓盤，可以胡世全方案咁講，只需4萬元首期，發覺大部分係未補地價嘅二手出售公屋，樓齡都有番咁上下。

更多港聞

吳永嘉獲提名入港大校委會

【明報專訊】香港大學畢業嘅經民聯立法會工業界（第二）議員吳永嘉（圖），獲提名以個人身分加入港大校務委員會。根據立法會文件，5名早前獲選加入港... 詳情

澳洲爸爸中譯英 Twitter分享港疫情

【明報專訊】新冠疫情持續兩年幾，每日有唔少疫情相關報道同資訊，香港人都未必消化到，外國人又點算？最近彭博（Bloomberg）訪問咗來自澳洲... 詳情

何君堯收粉絲信 稱為佢「跨越半個中國」

【明報專訊】立法會議員何君堯噚日喺facebook上載咗一封署名「河粉：靜漪微瀾」嘅粉絲寄嚟嘅「告白信」，信中讚揚何君堯喺2019年時「挺身... 詳情

「釣魚網」偽冒議辦 陳凱欣報警

【明報專訊】新冠疫情下騙案頻生，其中立法會議員陳凱欣發現，懷疑有騙徒未經佢許可下，擅用其網上資料扮「陳凱欣議員辦事處」網站，當市民按入連結會... 詳情

港漂住方艙大讚 稱走時依依不捨

【明報專訊】由內地支援興建嘅「方艙醫院」社區隔離設施陸續啟用，中新社噚日報道「港漂」患者何小姐入住新田方艙嘅經歷，佢讚揚醫護人員嘅態度好、「... 詳情