【Emily】每人1架 冬奧3港將獲九巴命名權
[2022.02.10] 發表
【明報專訊】香港隊喺北京冬奧有3名選手出賽，九巴話支持香港運動員，會向3人贈送巴士命名權，3人可各自為一架巴士命名，載有命名內容及信息嘅名牌會安裝喺車廂內近車頭位置，直至該巴士退役。九巴早前已宣布送贈一年免費乘車證予3人。
冬奧三將包括參與男子500米短道速滑賽嘅朱定文、女子高山滑雪項目嘅金和曉，以及男子高山滑雪項目嘅翁厚全。港鐵早前公布，向3人送贈一年有效嘅港鐵免費車票。
九巴去年已向部分東京奧運及殘疾人士奧運嘅運動員，送贈一年免費乘搭九巴，以及巴士命名權，已有53部巴士以港隊運動員命名，其中東奧女子100米同200米自由泳銀牌得主何詩蓓，其命名巴士獲編配主要行走66X路線。
更多港聞
【明報專訊】繼城大將收回學生會會室，嶺大亦有類似決定。嶺大學生會昨日在facebook引述校方通知表示，該會會室位處的康樂樓空間「不足夠供所...
詳情
相關新聞
