【Emily】葉劉質疑房署人員唔執行抗疫 房會反駁：上下一直全力配合

葉劉淑儀前日話聽聞有房署前線人員唔肯執行抗疫工作（圖），噚日惹嚟房委會及工會代表反駁。（葉劉淑儀facebook）

【明報專訊】新民黨立法會議員葉劉淑儀前晚喺facebook發文，話聽聞有房屋署人員唔願意上門通知居民接受強制檢測，因為「怕做dirty work」，擔心受感染，房署高層又無能力命令下屬作出適當安排。房委會同房屋署人員總會噚日分別喺facebook不點名反駁葉太嘅講法，話房署上下員工積極參與前線抗疫工作，包括上樓通知居民檢測。

話聽聞檢測長龍因人員唔上門通知

葉太話圍封屋邨嘅檢測大排長龍，緣於房署人員唔敢上門逐層通知居民檢測，結果做唔到分流。佢狠批如果傳聞屬實，唔願意執行抗疫工作嘅公務員「十分可恥」，佢話公務員規例列明，公務員要隨時應緊急情况調動執勤，若有人拒聽從指令，可以被紀律處分。葉太強調如果情况屬實，就要徹查相關人員，又促請政府高層做好指揮工作。

房委會噚日發文話，房署上下員工一直配合政府部門喺屋邨全力抗疫，唔計較工作性質，包括上樓通知居民檢測，逐家逐戶派發食物、巡查每座大樓衛生等；房委會員工喺前線抗疫並無猶豫，配合管理層指揮，係不辭勞苦、不分晝夜、緊守崗位咁同居民一齊抗疫。

房屋署人員總會亦反駁話，房署員工「前仆後繼」到屋邨協助，自願走喺最前線執行抗疫工作。

更多港聞

【Emily】民主黨凍籍半年 李華明上訴

【明報專訊】去年立法會選舉期間，民主黨元老李華明未經黨嘅批准，以個人名義為社福界狄志遠站台，狄其後當選，民主黨中委會上月裁定凍結李華明嘅黨籍... 詳情

【Emily】Zoom開會剃鬚 田二少：唔剃唔精靈

【明報專訊】立法會保安事務委員會噚日用Zoom開會，一開始時，主席陳克勤講緊下次討論事項嗰陣，鏡頭由立法會議事廳，轉咗幾秒去五光十色、有各議... 詳情

【Emily】各區檢測排長龍 議員網上更新排隊時間

【明報專訊】第五波疫情大爆發，多區居民強制檢測，各區檢測站大排長龍。多個黨派都要求各區檢測站改為派籌方便市民，亦有議員自行喺facebook... 詳情

【Emily】余慧明叫批評者籲醫局允復職 CY：何必當初？

【明報專訊】「35+初選案」被告之一、醫管局員工陣線前主席余慧明（Winnie）日前喺facebook回應有網民批評佢開設Patreon只係... 詳情

多校煞停中六面授 劉國良：沙田疫熾 如非考試不要求返校

【明報專訊】農曆新年假期後，學校今星期陸續上課，惟全港幼稚園、小學及中一至中五級正暫停面授課堂，中六級可返校上半天課，安排維持至本月21日。... 詳情