【Emily】9月打第三針 葉劉驗抗體仍有15,345
[2021.11.18] 發表
【明報專訊】到底體內抗體數係咪愈高愈好？行政會議成員、新民黨主席葉劉淑儀噚日喺facebook貼上打針相(圖)，話早前應養和東區醫療中心邀請，接種第3針新冠疫苗作最新臨牀測試，於是佢喺9月16日打咗復必泰，前日係接種後第60天，葉太去咗醫院測試抗體，結果由10月16日嘅17,827.4跌至15,345.6，佢估計明年3月再測試時，體內抗體數將跌至1萬以下，但相信仍屬較高水平。
葉太轉述醫生專家所講，體內抗體指數「高開低收」係必然，故體內抗體數較高始終較佔優。咁講法咪同特首林鄭月娥嘅說法「唱反調」？已接種兩針科興嘅林太月初接受有線新聞專訪時，就話抗體水平並非「愈高就愈巴閉」。
葉太已報名參加立選港島西直選，其他參選人為非建制派方龍飛及民建聯陳學鋒。
更多港聞
【Emily】8工會勞工政綱 搵特首立會候選人剔點心紙表態
【明報專訊】工聯會、勞聯、香港公務員總工會等八大工會，上個月發表勞工界聯合勞工主張，未來幾個月會發起聯署行動，爭取選委、立法會候選人及未來特... 詳情
民主牆憶圍困 理大整幅遮 學生校董：「同學加油」無關政治同被掩
【明報專訊】2019年11月發生理大圍困事件，事件兩周年之際，理大學生會學生報編輯委員會稱，有同學昨晨（17日）於民主牆上張貼印有「永不忘記... 詳情
【明報專訊】貿發局將舉辦首屆「亞洲醫療健康高峰論壇」，癌症基因檢測公司創辦人、中大醫學院腫瘤學系主任莫樹錦昨稱，租金是不少初創企業關心的事，...
詳情
相關新聞
