【Emily】黨友探楊森 匯報C朗絕殺喜訊
[2021.10.02] 發表
【明報專訊】唔少喺獄中嘅民主派係足球迷，喺監倉就無波睇。民主黨莊榮輝話噚日同前主席劉慧卿去咗赤柱探黨友楊森，仲將基斯坦奴朗拿度(C朗)香港時間周四喺歐聯賽事入波、絕殺對手嘅事話畀楊森知，話佢哋兩個都係曼聯擁躉，點可以唔提C朗入波。C朗今季回歸曼聯，佢喺嗰場歐聯94分鐘補時階段入波，幫球隊以2：1反勝對手維拉利爾。
莊榮輝話佢15歲就認識楊森，唔經唔覺超過30年，又話楊森對香港嘅付出、對民主運動嘅貢獻，以及佢嘅氣節，都值得大家尊敬。劉慧卿亦話楊森精神唔錯，仍然十分關心社會動態。
更多港聞
相關新聞
