【Emily】二創《戀愛預告》成《消費預告》 陳茂波拍MV sell下期消費券
[2021.09.23] 發表
【明報專訊】政府10月1日將發放第二期電子消費券，財政司長陳茂波搵嚟同事粉墨登場拍MV，二次創作歌曲《戀愛預告》成《消費預告》，話就到月尾，一班同事都勁期待十一來臨；片尾有財爺登場與同事跳舞，力sell消費券。
片頭介紹改詞嗰位叫「容義用」、編曲者係「伍千文」，歌詞唱出打工仔糧尾心聲，「買鞋也有苦惱/能否不找數」、「看看我手袋/似是季尾model/何時換有jetso」；MV中有個阿爸正為「加餐餸」頭痛，睇到電視財爺宣布推出5000蚊消費券即刻振臂高呼，嗱嗱聲上網book自助餐搵節目；阿嫲就可以換焗爐，仲可以買多幾隻鑊𠻹。
首批電子登記市民 10?1日收券
首歌並介紹唔少商戶推出消費優惠，「商場餐廳買衫換裙，使七百就回三百」，做facial、唱K、恤髮都多多折頭揀。政府已發放第一期嘅2000蚊消費券，首批完成電子登記嘅市民，10月1日會收到第二期嘅3000蚊消費券；而第二批完成同用書面登記嘅市民，會於11月1日收到第二期。
更多港聞
【Emily】「7A」少年黃仁龍 當年自覺失敗
【明報專訊】香港電台上載舊日訪問，包括1980年代訪問當時會考狀元，其中一名模範生係曾擔任律政司長嘅資深大律師黃仁龍（圖），訪問仲展示皇仁仔... 詳情
【Emily】又有卡打 Little Cloud登陸西九
【明報專訊】西九文化區藝術公園一向係野餐同散步熱點，旅發局早排推出「香港?大城小區」西九龍項目，鼓勵市民用藝術文化角度探索西九龍，仲同國際藝... 詳情
【Emily】子女有目標 杜凱琹父母：相信最重要
【明報專訊】東京奧運乒乓女團銅牌得主之一杜凱琹（阿杜）偕父母接受教育局訪問，原來阿杜細個時家人安排佢學跳舞同彈琴，直至佢去睇阿哥練習乒乓波，... 詳情
相關新聞
