【Emily】梁美芬：世侄女OCamp嚇親 回家兩星期唔出聲
[2021.09.14] 發表
【明報專訊】經民聯議員梁美芬早前成立「凝聚民心」平台，成員來自教育、商界、藝術界等多個界別，除咗同成員搞壁畫創作，噚日喺facebook分享平台拍攝嘅短片，請學者分析點解香港社會嘅道德價值觀「瀕臨崩潰邊緣」，希望喚起社會嘅關注，重建番以往熟悉嘅香港。
梁美芬同Emily講，觀察到青年嘅道德觀有下滑迹象，例如早年大學O Camp玩猥瑣遊戲，話有世侄女嚇親，去完O Camp返屋企唔出聲兩星期。美芬話自己唔係保守到唔講得性，但唔係要濫交、將性變成遊戲，話會令有傳統價值觀嘅人唔適應。至於「凝聚民心」仲會有咩搞作，美芬話聽日會開記者會就《施政報告》發表意見。
講番條短片，美芬請嚟時事評論員梁燕城主講，梁燕城話中國有一段被西方國家欺凌嘅歷史，製造出「文化性」嘅傷痕，認為需要用愛去醫治，先至可以推動中國嘅體制變得更合理、更有理性、更有人性，雖然唔會一蹴而就，但強調用愛改進，遠比用仇恨咒駡來得美好。
更多港聞
首批全日面授 料遇人手困難 更多年級恢復全日課 教師難兼顧半日課程
【明報專訊】自疫情停課以來一年多，首次有同一班學生回校返全日學。地利亞修女紀念學校（協和）教師與中六生的新冠疫苗接種率均逾七成，成首間打針比... 詳情
【明報專訊】向農作物噴灑殺蟲劑時，液滴（droplet）會彈走，只有小量能黏附在葉面，影響滅蟲成效。香港大學工程學院機械工程系團隊研究出一種...
詳情
相關新聞
