【Emily】梁定邦戴豬帽報名戰選委
[2021.08.10] 發表
【明報專訊】選委會提名期展開，噚日報名參選嘅包括資深大律師、監警會前主席梁定邦，佢去咗政府總部報名參選法律界，著住西裝現身嘅佢，頭上戴咗頂寫住「Pig」、旁邊印咗一隻卡通豬仔頭嘅帽，佢同記者講係太太叫佢戴嘅，仲同佢講「你謹記自己，唔好以為自己好聰明，你係隻豬嚟㗎」。
對於係咪支持特首林鄭月娥連任，梁定邦就話要睇吓到時有咩人參選，𠵱家仲好早，佢形容林太係好勤力嘅人，但暫時未知最後會唔會有更好嘅特首人選。佢又承認，中聯辦知悉佢哋15人名單參選法律界選委。
更多港聞
相關新聞
