【Emily】從港大事件 講到梁繼平前年攻入立會 CY點評學苑時任總編「梁繼昌」
[2021.07.16] 發表
【明報專訊】全國政協副主席、前特首梁振英(CY)喺2015年《施政報告》抨擊港大學生會刊物《學苑》中嘅「香港民族論」主張，噚日佢喺facebook評論港大學生會評議會「感激」議案風波，重提《學苑》有關主張，但寫錯總編輯係「梁繼昌」(立法會會計界前議員，圖1)，仲話佢2019年攻入立法會，向在場示威者講話，翌日潛逃美國，批評「細時偷針，大時偷金」。其實梁振英想講嗰位係「梁繼平」(圖2)，CY之後喺帖文中更正。
梁繼昌出帖揶揄 稱「一字差千里」
梁繼昌就出帖揶揄：「梁繼昌 梁繼璋 楊繼昌 梁繼平 他們是甚麼人？好亂啊！」仲加上一個喊喊樣。佢並一度轉發CY寫錯佢個名嘅帖文並澄清，自己從來無讀過港大，同《學苑》沾不上任何關係，2019年七一當晚一直喺屋企睇直播，希望對方將名字搞清，「一字之差，相去千里」。
政圈唔少人名字相似，例如立法會嘅建制派議員就分別有謝偉銓同謝偉俊。噚日立法會大會上多個議員蝦碌，想多謝提出議員議案嘅謝偉銓，但就講錯咗做謝偉俊，包括新民黨主席葉劉淑儀同自由黨邵家輝。到工聯會麥美娟發言時，就終於講啱係「謝偉銓」，仲要放慢咁讀，幫手更正，笑言「個個都嗌錯你個名」。
更多港聞
【Emily】再有區議員辭職 周炫瑋送競選襟章信封
【明報專訊】區議員將要宣誓，如唔符合宣誓資格或會被政府追討薪津，近一個星期有逾200人辭職，噚日再多幾個，中西區同黃大仙區都只剩番3名區議員... 詳情
【明報專訊】李家超升任政務司長後，仲做埋候選人資格審查委員會主席。佢接受《環球時報》訪問，重申會確保冇人可以偽裝成「擁護」、「效忠」，偽裝成...
詳情
【Emily】年報《香港2020》 四成講疫情 話去年有9750次集會遊行
【明報專訊】政府最新一期年報《香港2020》出版，Emily發現，全年大事記錄咗100多日發生嘅事，當中約四成同疫情有關；本港去年幾乎全年被... 詳情
【明報專訊】特首林鄭月娥噚日到立法會出席答問會，議員提問時亦藉機表達意見，不過實政圓桌田北辰（田二少）可能長氣咗少少，一連提出兩點都未問到問...
詳情
相關新聞
