【Emily】睇波見艾歷臣暈倒 陳沛然籲讀半日急救課

【明報專訊】丹麥國腳基斯甸艾歷臣噚日喺歐國盃對賽芬蘭期間突然暈倒，搶救後醒番，吉人天相。事件震驚全球足球迷，本身係球迷嘅醫學界立法會議員陳沛然，除咗轉發新聞、呼籲大家為艾歷臣祈禱之外，噚日仲分享咗自己前年獲美國心臟學會頒發、修讀醫護人員基本生命支援術課程(BLS)嘅證書，鼓勵市民參加半日嘅課堂，當中有教心肺復蘇法(CPR)、自動心臟除顫器(AED)嘅訓練，「簡單易學，任何人都有機會救人一命」。

有人喺留言問陳沛然邊度有得學，佢就貼上「BLS 課程 香港」嘅google搜尋結果，顯示香港專業護理學會等機構都有提供課程。

羅健熙：如果阻軍醫入場 被罵係必然

民主黨主席羅健熙就話睇直播時眼濕濕，話本身唔識艾歷臣，甚至好少睇佢踢波，但除咗擔心、痛心對方嘅遭遇，「也是因為看見球場內所有人都重視那生命，拼命去搶救」。佢唔點名提到「兩年前的種種畫面」，話如果球證阻止軍醫入場、拒絕球員施救，永遠被唾罵都係必然，「『你地(哋)真係咁憎我地(哋)？你試下個球證唔畀軍醫入場睇下你憎唔憎佢囉」，相信佢係講緊兩年前反修例風波示威期間，有警察被指阻礙救援。

更多港聞

【Emily】張建宗網誌讚「沒共產黨就沒今天中國」

【明報專訊】中國共產黨今年迎來建黨100周年，中聯辦、駐港國安公署等4個駐港中央機構前日舉行「中國共產黨與『一國兩制』」主題論壇。政務司長張... 詳情

教局增臨時副秘 負責「落實國安法」 首長級編外職位為期半年 教協：須解釋工作範疇

【明報專訊】《港區國安法》實施近一年，學校行政及各科目教育均須配合。本報近日翻查教育局網頁，發現當局增設首長級的「教育局副秘書長（特別職務）... 詳情

8月須交國安報告 中學校長嘆倉卒

【明報專訊】學校須按教育局要求開展國安教育工作，實行多項相關行政措施，中小學8月便須向教育局提交首份國安工作報告。李求恩紀念中學校長賴炳華說... 詳情